२०८०, १७ फाल्गुन बिहीबार
social securities awareness bidur municipality

योजनाको आशमा मन्त्रीलाई निम्तो

सुनील श्रेष्ठ     माघ २ २०८० १९:४४


finance minister of bagamati province bahadur singh lama nuwakot

नुवाकोट – जिल्लामा पूर्वाधार विकास, सांस्कृतिक, शैक्षिकलगायतको कार्यक्रममा बागमती प्रदेशका आर्थिक मामिला तथा योजना मन्त्री बहादुरसिंह लामासँग योजना माग्दै कार्यक्रमको निम्तो गर्नेको होड चलेको छ ।

मन्त्री आउने थाहा पाएपछि सर्वसाधारणको घुईचो लाग्ने गरेको छ। जिल्लामा मन्त्री आएपछि आफ्ना समस्या राख्न योजना माग गर्ने समुहहरु धाउन थालेका छन्। विकास र समृद्धिलाई पहिलो प्राथमिकतामा आमनागरिकले सुझावको साथै योजना तथा बजेट माग्ने गरेको छ । ०७४ र ०७९ को निर्वाचन र स्थानीय तहको निर्वाचनपछि मन्त्री, सांसद जनप्रतिनिधिहरु नागरिक सम्बन्ध र विकास निर्माणमा तल्लिन छन् । खानेपानी, सडक, खेलकुद, नाचगानलगायतको अभावमै योजना तथा बजेटमा योजनाको लस्कर लिएर धाउने गरेको छ ।

यसैक्रममा कार्यक्रमको निम्तो मान्दै मन्त्री लामा पुस महिनामा आधा दर्जनभन्दा बढी विभिन्न कार्यक्रममा गृहजिल्ला नुवाकोट आएका छन् । पुस २७ गते विदुर नगरपालिकाको दुई वडा २ र ५ मा छुट्टाछुट्टै भएको पृथ्वी जयन्ती र सम्मान कार्यक्रममा मन्त्री लामाले पृथ्वीनारायणको फोटो र शालिकमा मल्यार्णपन गरेका थिए भने राष्ट्रनिर्माताको चर्चा गरेका थिए । विदुर नगरपालिका वडा नम्बर २ को नुवाकोटमा र पृथ्वी स्मारक संरक्षण समितिको आयोजना देवीघाटमा भएको थियो । एकै कार्यक्रम दुई स्थानमा हुदाँ मन्त्री लामालाई भ्याईनभ्याई थियो । देवीघाटको कार्यक्रम बिहान ११ बजे भनिएतापनि दिउँसो करिब ३ बजेमात्र पुगेका थिए ।

मन्त्री लामालाई विदुर नपा-२ नुवाकोटमा आयोजना गरिएको कार्यक्रमकै बीचमा जनप्रतिनिधि र विद्यालय समुहले बोलाएर योजनासहितको हात जोडीजोडि फाइल हातमा ठम्याए दिएका थिए।

मन्त्री लामालाई विदुर नपा-२ नुवाकोटमा आयोजना गरिएको कार्यक्रमकै बीचमा जनप्रतिनिधि र विद्यालय समुहले नुवाकोट क्लबको भवनमा लगेर योजनासहितको हात जोडीजोडि फाइल हातमा ठम्याए दिएका थिए। यस्तै, देवीघाटमा पनि गल्छी-केरुङ राजमार्ग अन्तर्गत पर्ने सडक र स्मारक पार्क नजिकै रहेको स्थानमा उत्खनन गर्नुपर्ने भनि पृथ्वी स्मारक संरक्षण समितिले मौखिक रुपमै योजना बुझाएका थिए।

हप्ता दिनअघि नै यसघि पुस १६ गते मन्त्री लामा विदुर नगरपालिका-८ मा रहेको भैरुम माध्यमिक विद्यालयको ६४औं वार्षिकोत्सव तथा अभिभावक दिवसमा प्रमुख अतिथिको रुपमा उपस्थित जनाएका थिए । पुस १४ गते साहित्य संगम नुवाकोटद्वारा आयोजित नुवाकोट साहित्य, संस्कृति तथा पर्यटन महोत्सव २०८० उद्घाटन गर्न नुवाकोट आएका थिए । कार्यक्रमको खर्चपूर्तिको लागि मन्त्रीलाई गुहारेका थिए ।

यस्तै, पुस ५ गते विदुर नपा-१२ को तिनधारे पिपलडाँडा माध्यामिक विद्यालयको ४५औं वार्षिकोत्सव समारोहमा आएका थिए । मन्त्री लामा पुस ५ गतेनै म्यागङ गाउँपालिकाको आयोजनामा भएको म्हेन्दोमाया र साइकोले प्रतियोगिताको लागि आएका थिए । पुस २ गते नेपाली काँग्रेस नुवाकोटको प्रथम जिल्ला सम्मेलनलाई सम्बोधन गर्न मन्त्री लामा गृहजिल्ला आएका थिए ।

मन्त्री लामा एक पात्र मात्रै हुन् । विदुर खानेपानीको समस्या समाधानको लागि जम्बोटोलिसहित फलाखु खोला पुगेका मन्त्री लामाले फुटकर योजनामा आफुलाई नबाँध्न भनेका थिए । फुटकर योजनाभन्दा पनि दीर्घकालीन विकास योजनामा ल्याउन मन्त्री लामाको भनाइ छ । स्थानीय तहको अधिकार क्षेत्रमा रहेको विकास निर्माणलाई सिधै प्रदेशलाई सम्बोधन गर्दा प्रक्रियागत आरोहणको माध्यम बढ्दै गएको छ ।

यसैगरी नेपाल सरकारका अर्थमन्त्री डा. प्रकाशशरण महत, सांसद रमेशकुमार महत, हीतबहादुर तामाङ, अर्जुननरसिंह केसीलगायतको पनि जिल्लाप्रति मोह बढेको छ भने विकास निर्माणले पनि गति लिएको छ ।

यो खबर पढेर तपाईलाई कस्तो महसुस भयो ?



nuwakot trishuli graphic web media service 2020

प्रतिक्रिया



Top