भैरुमले मनायो वार्षिकोत्सव

हात्तिगौंडा – भैरुम माध्यमिक विद्यालयले आफ्नो ६४ औं वार्षिकोत्सव विविध सांस्कृतिक तथा सम्मान कार्यक्रम गरी मनाएको छ ।

विदुर नगरपालिका वडा नं ९ हत्तिगौडामा रहेको विद्यालयले सोमबार बागमती प्रदेशका आर्थिक मामिला तथा योजना मन्त्री बहादुरसिंह लामाको प्रमुख आतिथ्यमा वार्षिकोत्सव मनाएको हो ।

विदुर नगरपालिकाका प्रमुख राजन श्रेष्ठ, म्यागङ गाउँपालिकाका अध्यक्ष आशा लामा, जनप्रतिनिधि, अभिभावकहरुको उपस्थितिमा वार्षिकोत्सव अवसरमा आयोजित समारोहमा विद्यालयका उत्कृष्ट विद्यार्थी तथा शुभेच्छुकहरुलाई सम्मान गरिएको थियो ।

विद्यालय व्यवस्थापन समितिका अध्यक्ष राजु पण्डितको सभापत्विमा भएको कार्यक्रममा मन्त्री लामा, नगरप्रमुख श्रेष्ठ, पूर्व नगरप्रमुख सञ्जु पण्डितलगायतले विद्यालयले प्रदान गरेको शिक्षा र चुनौतीबारे चर्चा गरेका थिए ।

कार्यक्रममा विद्यालयका प्रधानाध्यापक शिवराम श्रेष्ठले विद्यालयको आर्थिक तथा वार्षिक गतिविधि प्रस्तुत गरेका थिए ।