नुवाकोट – गैरसरकारी संस्था विदुर सिटि युथ क्लबको अध्यक्षमा सुनील श्रेष्ठ चयन भएका छन् ।
संस्थाको तेस्रो अधिवेशनबाट श्रेष्ठ पुन: अध्यक्षमा निर्विरोध निर्वाचित भएका हुन् । श्रेष्ठको अध्यक्षतामा ११ सदस्यीय नयाँ कार्यसमिति गठन भएको छ ।
संस्थाको उपाध्यक्षमा सरिता श्रेष्ठ, सचिवमा प्रदीपकुमार पण्डित, सहसचिवमा रमेश श्रेष्ठ र कोषाध्यक्षमा सुमन श्रेष्ठ चयन भएका छन् ।
यस्तै, सदस्यहरुमा सुजनकुमार श्रेष्ठ, नरेश थापा, वर्षा नेपाल, निरोज बस्नेत, पुष्प श्रेष्ठ र प्रकाश आचार्य रहेका छन् ।
संस्थाको सरसफाई महाअभियानलाई आगामी कार्यक्रम अन्तर्गत निरन्तता दिने नवनिर्वाचित अध्यक्ष श्रेष्ठले बताए ।
संस्थाले संस्कृति तथा शिक्षा, खेलकुद तथा स्वास्थ्य र पूर्वाधार तथा विकास उपसमिति समेत गठन गरेको छ ।
संस्थाले सदरमुकाम विदुरलाई मुख्य क्षेत्र बनाई विदुर नगरपालिका क्षेत्रभित्रका समान संस्थाहरुसँग समन्वय र सामाजिक कार्य गर्दै आईरहेको छ ।
प्रतिक्रिया