सुनील श्रेष्ठ / विदुर नगरपालिका क्षेत्र भित्र रहेका सार्वजनिक तथा धार्मिक स्थल सरसफाई गर्ने उद्देश्यले विदुर सिटी युथ क्लबको आयोजनामा जिल्ला (त्रिशुली) अस्पताल र नुवाकोट सितेरियो कराँते प्रशिक्षणको सहयोगार्थमा सरसफाई सप्ताह महाअभियान २०७४ को नवौं संस्करण आज सम्पन्न भएको छ ।
कार्यक्रममा अस्पताल हाताभित्र रहेको झारी कटान, फोहोर संकलन, पथमार्ग सफाई र जल्ने फोहोरलाई नस्ट गरेको क्लबले जनाए ।
अस्पतालको हाताभित्र रहेको अव्यवस्थित फोहोरले सेवाग्राहीको स्वास्थ्यमा प्रत्यक्ष असर पार्ने हुनाले यस सरसफाई कार्यक्रम संचालन गरेको क्लबले बताए ।
क्लबले आयोजना गरेको सरसफाई महाअभियानमा जिल्लाकै एक मात्र सरकारी अस्पताललाई प्राथमिकता दिएर गरिएको सरसफाई कार्यक्रमलाई अस्पताल विकास समितिका अध्यक्ष पारस अधिकारीले क्लबलाई धन्यवाद ज्ञापन व्यक्त गरेका छन् ।
कार्यक्रममा डाक्टर राजेन्द्र लामा, नुवाकोट सितेरियो कराँते प्रशिक्षणका प्रशिक्षक उत्तम राई तथा खेलाडीहरु, सारथी बचत तथा ऋण सहकारी संस्थाका व्यवस्थापक सुदिप श्रेष्ठ, कोलनी युथ सर्कलका सदस्यहरु लगायतको उपस्तिथी रहेको थियो ।
प्रतिक्रिया