विदुर । आगामी मंसिरमा हुने प्रदेशसभा र प्रतिनिधिसभा सदस्य निर्वाचनलाई लक्षित गरी विदुर सिटी युथ क्लब र जेसीआई नुवाकोटको संयुक्त आयोजनामा शनिबार नमुना मतदान भएको हो ।
विदुर र बट्टारमा गरिएको कार्यक्रममा निर्वाचन आयोग, नुवाकोटका अधिकारी जनार्दन अधिकारीको उपस्थिति रहेको थियो । मतदान गर्ने तौरतरिका सिकाउन नमूना मतदान गराइएकोमा क्लबलाई धन्यवाद ज्ञापन गरेको थियो । उनले नमूना मतदानले बदर मतको संख्यालाई न्यूनीकरण गर्न समेत सहयोग पुग्ने बताए ।
प्रतिनिधिसभा र प्रदेशसभा सदस्य निर्वाचनमा मत हाल्ने तरिका सम्बन्धमा मतदातालाई सुसुचित गराउने उद्देश्यले नमुना मतदान गरिएको क्लबले जनाए । नमुना मतदानमा मतदाताको नाम रुजु गर्ने, प्रतिनिधिसभा, प्रदेशसभा र दुईओटै सभाका लागि समानुपातिकतर्फ मतदान गर्ने विषयमा जानकारी समेत गराइएको थियो ।
नमुना मतदानमा मतदाता शिक्षाको लागि खटाईएका सामाजिक परिचालिका र नुवाकोट आयोनका सदस्यहरुको सहयोगार्थ सम्पन्न भएको कार्यक्रममा विदुर नगरपालिका वडा नं. २ र ४ का सदस्यहरु, संचारकर्मी लगायत गरि १०० जनाले मतदान अभ्यास गरेका थिए ।
दुवै सभाका लागि हुन लागेका निर्वाचनमा तीनवटा मतपत्र रहनेछन् – प्रत्यक्षतर्फ प्रतिनिधिसभाको लागि सेतो कागजमा हरियो मसिले छापिएको र प्रदेशसभाका लागि सेतो कागजमा कालो मसिले छापिएको छुट्टाछुट्टै मतपत्र रहनेछन् भने समानुपातिकतर्फ एकै मतपत्रमा तल र माथि गरि दुई ठाउँमा दुई सभाका लागि सेतो कागजमा रातो मसिले छापिएको मतपत्र रहनेछन् ।
विदुर कार्यक्रम
बट्टार कार्यक्रम
प्रतिक्रिया