नुवाकोट – जयगणेश बहुउद्देश्यीय सहकारी संस्था लि.ले चालुआर्थिक वर्षमा कर्जा लगानी आठ करोड पुर्याउने योजना बनाएको छ । सहकारीले चालुआर्थिक वर्षमा शेयर पूँजी र निक्षेप संकलन ३/३ करोड र कर्जा लगानीमा वृद्धि गरी ८ करोड पुर्याउने योजना बनाएको प्रविदनमा उल्लेख छ ।
सहकारीको कार्यालय विदुरमा भएको १७ औं वार्षिक साधारणसभा प्रस्तुत प्रतिवेदन अनुसार सहकारीले ६ करोड १४ लाख ४४ हजार सात सय ७१ रूपैयाँ कर्जा लगनी गरेको छ । सहकारीको शेयरपूँजी दुई करोड ७१ लाख ७४ हजार एक सय, निक्षेप संकलन दुई करोड ३० लाख ३९ हजार आठ सय ११ र मुनाफा ११ लाख ९७ हजार सात सय रूपैयाँ रहेको छ ।
सहकारीको साधारणसभाले गत आर्थिक वर्षको लेखा परीक्षण प्रतिवेदन, अध्यक्ष, सचिव, कोषाध्यक्ष र लेखा तथा सुपरीवेक्षण समितिको प्रतिवेदन पारित गर्दै चालु तथा आगामी आर्थिक वर्षको योजना समेत पारित गरेको छ ।
कार्यक्रममा सहकारीका अध्यक्ष बैकुण्ठ मिश्रले संस्थाको वार्षिक प्रतिवेदन पेश गरेका थिए । सचिव प्रकाशकुमार अधिकारीले सचिवको प्रतिवेदन र लेखा तथा सुपरीवेक्षण समितिका संयोजक नवदीप श्रेष्ठले लेखा समितिको प्रतिवेदन र कोषाध्यक्ष लिस्ना पधानले कोषाध्यक्षको प्रतिवेदन पेश गरेका थिए ।
साधारणसभामा संस्थाका अध्यक्ष बैकुण्ठ मिश्र र संस्थाका शेयर सदस्य तथा नुवाकोट उद्योग वाणिज्य संघका पूर्व अध्यक्ष शरणउत्सुक सापकोटाले संयुक्तरुपमा उत्कृष्ट ऋणी र उत्कृष्ट बचतकर्तालाई सम्मान समेत गरेका थिए ।
हाल सहकारीमा चार सय १८ जना शेयर सदस्य रहेको छ ।
प्रतिक्रिया