विदुर – नेपाल टेलिकम नुवाकोटको टेलिफोन सेवा अवरुद्ध भएको छ । टेलिकमको ल्याण्डलाइन र एडीएसएल इन्टरनेट सेवा अवरुद्ध भएको हो ।
यसले गर्दा सेवाग्राही प्रभावित भएका छन् । टेलिकमका प्राविधिकका अनुसार गल्छी-रसुवा सडकखण्डको मैथली ब्यारेक खोल्सामा टुण्डिले टेलिकमको तार काटिदिएकोमा नेटवर्कमा समस्या देखिएको हो । कल्भर्ट निर्माणको लागि जानकारी नगराई तार एकतर्फी ढङ्गले काम गरी तार काटिदिएको जनाएको छ ।
सोमबारदेखि बट्टारका सेवाग्राहीहरुले टेलिकमको सेवा उपभोग गर्न पाएका छैनन् ।
समस्या समाधान हुन अझै केहि साता लाग्ने जनाएको छ ।
प्रतिक्रिया