२०७८, २ असार बुधबार

बैशाख २८ गतेदेखि ‘क्यान इन्फोटेक’ आयोजना हुने

डबली खबर     चैत्र १ २०७७ १९:५१


can info tech 2021
bidur tax

काठमाडौं – सूचना प्रविधि क्षेत्रको कुम्भ मेलाको रुपमा रहेको ‘क्यान इन्फोटेक-२०२१’ आगामी वर्षको बैशाख २८ गतेदेखि काठमाडौंमा सुरु हुने भएको छ ।

आईतबार आयोजित पत्रकार सम्मेलनमा २७औं संस्करणको ६ दिनसम्म सञ्चालन हुने इन्फोटेक जेष्ठ २ गते समापन हुने आयोजक क्यान महासंघका अध्यक्ष नवराज कुवँरले जानकारी दिए । इन्फोटेकको लागि स्पोन्सर र स्टल खुल्ला रहेको जानकारी गराएका छन् ।

इन्फोटेकमा सर्वसाधारणको लागि एकसय र विद्यार्थीको लागि ५० रुपैंयाँ तोकिएको छ। यसपटकको इन्फोटेक टिकट पेपरलेस गरिने जनाएको छ। सरकारी तथा सामुदायिक संस्थाको पत्रको आधारमा निशुल्क प्रवेश गराईनेछ ।

क्यान महासंघले आयोजना गर्दै आइरहेको इन्फोटेकमा सूचना तथा सञ्चार प्रविधिका विभिन्न उत्पादन सामाग्री तथा सेवाहरु प्रदर्शनीमा रहनेछन् । नयाँ प्रविधिहरु अवलोकन गर्न लाखौ मानिसहरु क्यान इन्फोटेक आउने गरेका छन् ।

यस वर्षको इन्फोटेक कोभिड-१९ को कारण केहि महिना पछाडी आयोजना हुन लागेको हो । गतवर्ष फागुन २ गतेदेखि ६ दिनसम्म आयोजना भएको इन्फोटेक यस वर्ष झण्डै ३ महिनापछि आयोजना हुन लागेको छ । गत वर्ष विभिन्न मितिमा सातै प्रदेशमा इन्फोटेक आयोजना गरिएको थियो ।

प्रभु पे शिर्ष प्रायोजक रहेको इन्फोटेकमा वर्डलिंक इन एसोसिएसनमा रहेको छ । यसैगरी अन्य स्पोन्सर र स्टलको लागि क्यान महासंघले आइतबारदेखि बुकिङ खुल्ला गरेको छ । 

यो खबर पढेर तपाईलाई कस्तो महसुस भयो ?


प्रतिक्रिया




Bachchhaladevi Suppliers
Diyo Pathshala Montessori
Nuwakot FM 106.8 MHz
Trishuli Web Design Services in Nuwakot
use to mask safe from covid19


Top