विदुर, नुवाकोट – नेपाल टेलिकमको नयाँ वेबसाइटबाटै १८ किसिमका सुविधा लिन सकिने भएको छ । टेलिकमको वेबसाइटलाई परिमार्जित गर्दै थप ग्राहकमैत्री तथा जानकारीमूलक बनाएको हो।
नेपाल टेलिकमको वेबसाइटबाटै लिन सकिने सेवा हरु यस प्रकारका रहेका छन् । जसको लागि पहिला टेलिकमको वेबसाइट खोलेर “सेल्फ केयर” बटनमा क्लिक गरी खाता खोले पछि मात्र सेवा लिन सकिन्छ।
- सेल्फ केयर अकाउण्टमार्फत टेलिकमका विभिन्न सेवाको रिचार्ज गर्न, व्यालेन्स ट्रान्सफर गर्न र प्याकेज खरीद गर्न सकिन्छ ।
- यसैबाट आफन्त वा साथीभाईलाई प्याकेज गिफ्ट पठाउन पनि मिल्छ ।
- त्यसैगरी आफूले खरिद गरेको प्याकेजको भोल्युमका साथै मोबाइलमा उपलब्ध ब्यालेन्सको जानकारी समेत यसैमा देखिन्छ ।
- रिचार्ज कार्डमा भएको पिन नम्बर राखेर तथा भिसा वा मास्टर कार्ड प्रयोग गरेर वेबसाइटबाटै कम्पनीका विभिन्न सेवामा अनलाइन रिचार्ज गर्न सकिने सुविधा पनि छ।
- नयाँ सिमकार्ड लिनका लागि आवश्यक केवाईसी फर्म वेबसाइटबाटै भर्न सकिन्छ ।
- कम्पनीबाट उपलब्ध रोमिङ सेवा, फ्रेन्ड एण्ड फ्याम्ली सेवा, नमस्ते क्रेडिट सेवा, मिसकल अलर्ट सेवा, डेटा रोमिङ र इन्टरनेसनल रोमिङ सेवाको जानकारी पाइन्छ । साथै भ्याल्यू एडेड सर्भिस, फोरजी एलटीई सेवा, फाइबर टू द होम सेवा, एडीएसएल सेवा, कर्पोरेट युजर ग्रुप जस्ता सेवाहरुको बारेको जानकारी पनि वेबसाइटमै छ ।
- कम्पनीले उपलब्ध गराइएका पोष्टपेड तथा प्रिपेड मोबाइल, ल्याण्डलाइन तथा अन्य विभिन्न सेवाहरुको बारेमा समेत जानकारी लिन सकिने सुविधा यसैमा छ ।
- रिचार्ज कार्डमा ६ वटासम्म अंकहरु मेटिएको अवस्थामा समेत वेबसाइटबाटै रिचार्ज गर्न सकिने सुविधा छ।
- टेलिकमले वितरण गरेका स्थानीय टेलिफोन नम्बरहरुको बारेमा जानकारी लिन तथा आफूले चाहेका व्यक्तिगत वा संस्थागत ग्राहकको नम्बरका लागि १९७ मा फोन गर्नै पर्दैन । सजिलै वेबसाइटमा गएर आफै खोज्न सकिन्छ ।
- विभिन्न डेटा प्याकेजको जानकारीदेखि आफूलाई आवश्यक डेटा प्याकेज रोजेर खरिद गर्न सकिने सुविधा पनि वेबसाइटमा छ । त्यसमा हाल लोकप्रिय रहेका डेटा प्याकेजहरुलाई क्रमशः रुपमा राखिएको छ । जसले गर्दा छनौटमा पनि सहजता मिल्नेछ ।
- कम्पनीको मोबाइल सेवा, ल्याण्डलाइन टेलिफोन सेवा, एफटीटीएच तथा एडीएसएल सेवाको बारेमा विविध जानकारी प्राप्त गर्न र सोधपुछ गर्न तथा गुनासाहरु दर्ता गराउनका लागि आवश्यक सर्टकोड पनि वेबसाइटमै देख्न सकिन्छ ।
माथि उल्लेखित सेवा बाहेक नेपाल टेलिकमको वेबसाइटको माध्यमबाट टेलिकमका सूचना तथा जानकारी प्राप्त गर्न सकिने छ ।
प्रतिक्रिया