‘पशुपति प्रसाद’ सफल चलचित्र निर्देशन गरेका निर्देशक दिपेन्द्र के. खनालको नेपाली कथानक चलचित्र ‘आमा’ को फस्टलुक सार्वजनिक भएको छ । चलचित्रमा खनालको छायाँकन, कथा, पटकथा तथा निर्देशन रहेको छ ।
वि.सं २०२० सालमा बनेको यही चलचित्रको नाम सापटी लिएर वि.सं २०५१ सालमा पनि चलचित्र बनेको थियो । दोस्रोपटक यस चलचित्रलाई शर्मिला पाण्डेले निर्माण गरेका छन्। सार्वजनिक फस्टलुकमा फिल्मका मुख्य कलाकारहरु मिथिला शर्मा र सुरक्षा पन्त देखिएका छन् । सुरक्षा अर्ध मुण्डनमा देखिएकी छिन् ।
सार्वजनिक पोस्टरले नायिका सुरक्षाले सामाजिक संस्कृतिलाई हटाउँदै आफैले आमाको लागि कपाल मुण्डन गरेको अनुमान गर्न सकिन्छ ।
डीएस डिजिटलको ब्यानरमा निर्माण भएको चलचित्रमा देशभक्त खनाल, सरिता गिरी, आशान्त शर्मा, मनिष निरौला, पदम बुढा लगायतको मुख्य भूमिका रहनेछ ।
असारमा छायांकन भएको चलचित्र आगामी फाल्गुणको ९ गते रिलिज गर्ने निर्माणपक्षले बताएको छ । चलचित्रले ‘आमा र छोरी’ बिचको सम्बन्धलाई देखाएको जनाएको छ ।
प्रतिक्रिया