सुर्यगढी । एमआरआर नुवाकोट र नुवाकोट समाज दक्षिण कोरियाको संयुक्त आयोजनामा नुवाकोटको ग्रामिण भेगको एक विद्यालयलाई स्टेशनरी तथा खेलकुदका सामाग्री वितरण गरेको छ ।

ग्रामिणभेगका विद्यालयको शैक्षिक गुणस्थर र क्षमता अभिबृद्धीका लागि सुर्यगढी गाउँपालिका वडा नं ५ मा रहेको जन जागृत प्राथामिक विद्यालयका ६० विद्यार्थीहरुलाई १/१ थान झोला, कपि तथा खेलकुद सामग्री नुवाकोट समाज दक्षिण कोरियाका अध्यक्ष सोम तमाङ र एमआरआर नुवाकोटका प्रतिनिधिधि रोजन भुसालद्वयले संयुक्त रुपमा वितरण गरेका थिए ।

कार्यक्रममा नुवाकोट समाज दक्षिण कोरियाका सदस्य नविन तमाङ र एमआरआर नुवाकोट सदस्यहरुको उपस्थित रहेको थियो ।

यस अघि सुर्यगढी गापा-४ कुण्डला निम्न माध्यमिक विद्यालयका १६० जना विद्यार्थीहरुलाई खेलकुद तथा स्टेशनरी सामाग्री वितरण गरेको थियो ।

यो समाचार २०७४ माघ १५ मा प्रकाशित समाचारलाई सच्चाईएको हो

शिक्षाका लागि एमआरआरका युवाहरु जुटे