भूकम्प प्रभावित जिल्लामा आगामी मङ्सिरसम्ममा ६ सय ५२ वटा विद्यालयको पुनःनिर्माण हुने भएको छ ।
जसमा नुवाकोट जिल्लाको १४ बिद्यालय रहेको जिल्ला शिक्षा कार्यालय नुवाकोटका सुचना अधिकारी सुकदेब नेपालले बताए । आगामी मंसिरसम्म भुकम्पबाट क्षति भएका नुवाकोटका १४ विद्यालयहरु पुनः निर्माण हुने भएका छन् । शिक्षा विभागबाट पुनः निर्माण हुने बिद्यालयहरु तोकिने भएकाले कुन, कुन बिद्यालय पुनःनिर्माण हुने भन्ने एकिन नभएको जिल्ला शिक्षा कार्यालय नुवाकोटले जनाएको छ । भुकम्पले नुवाकोटका सबै बिद्यालयहरुमा क्षति पुर्याएको थियो । केही विद्यालयहरु अहिले सामान्य मर्मत गरे पश्चात सञ्चालनमा रहेका छन् भने धेरै बिद्यालयहरु बिभिन्न दातृ संघसंस्थाले निर्माण गरीदिएका अस्थाई सिकाई केन्द्र तथा विभिन्न संरचनाबाट विद्यालय सञ्चालन भैरहेका छन् । भुकम्पले क्षती भएका सबै बिद्यालयहरुको विस्तृत विरण जिल्ला शिक्षा कार्यालय मार्फत शिक्षा बिभागमा पठाईएको र आगामि मंसिर सम्म पुनः निर्माण हुने बिद्यालयहरु शिक्षा बिभागबाट नै छनौट भएर आउने जनाईएको छ ।
राष्ट्रिय पुनःनिर्माण प्राधिकरणका अनुसार शिक्षा विभागबाट ती विद्यालय निर्माणका लागि विभिन्न राष्ट्रिय तथा अन्तराराष्ट्रिय संस्थासँग समझदारी भएको जनाएको छ । गत वर्ष २०७२ वैशाख १२ गतेको विनाशकारी भूकम्पबाट आठ हजार ३ सय ८ विद्यालय क्षति भएका थिए । उक्त भूकम्पबाट मुलुकका ३१ जिल्ला प्रभावित भएका छन् ।
प्रतिक्रिया