स्थानीय स्रोतको परिचालन गरी गाउँमै इट्टाको उत्पादन गरी विद्यालय बनेको हो । गाउँमै इट्टा उत्पादन गरेपछि विद्यालय भवन बनाउन कम खर्च लागेको छ ।

गेर्खु, भुकम्पबाट क्षति पुगेको नुवाकोटको एक विद्यालय स्थानीय स्तरमै इट्टा उत्पादन गरी नयाँ विद्यालय भवन निर्माण गरिएको छ । गेर्खु गाविस वडा नं. ४ गैरीखर्कमा रहेको धनदेवी प्रावि गत वर्षको विनासकारी भुकम्पले ध्वस्त भएपछि स्थानीयवासीले काँचो इट्टा, काठ, ढुङ्का लगायत स्थानीय सामग्री प्रयोगवाट निर्माण गरिएको स्थानीय युवा रामशरण थापाले वताए । ‘स्थानीय स्रोतको परिचालन गरी गाउँमै इट्टाको उत्पादन गरी विद्यालय बनेको हो’, थापाले भने– ‘गाउँमै इट्टा उत्पादन गरेपछि विद्यालय भवन बनाउन कम खर्च लागेको छ ।’

विद्यालय भवन निर्माणको लागि एक हाते मेसिनवाट गाउँमै इट्टा उत्पादन गरी भवन निर्माण गरिएको हो । सिमेण्ट र फलामे छडको प्रयोग गरिएको घरमात्र बलियो हुन्छ भन्ने जनमानसमा रहेको धारणा यसबाट परिवर्तन भएको स्थानीय वृद्धहरु बताउंछन् ।

२०४५ सालमा स्थापना भई कक्षा ३ सम्म पठनपाठन हुँदै आएको सो विद्यालय भवन भत्केपछि स्थानीय शिक्षाप्रेमी युवाद्वय डा. उद्धब प्याकुरेल र डा. इन्द्र अधिकारीले गाँउकै माटो, र श्रम प्रयोग गरेर इट्टा बनाउने एक हाते कम्पे्रसर मेसिन ल्याई त्यसवाट बनेको ईटावाट २ कोठे विद्यालय भवन निर्माणमा सहयोग गरिदिएको विद्यालयका पूर्व अध्यक्ष प्रेमवहादुर तामाङले वताए । गाँउको श्रोत र श्रमको महत्व बुझाउन आपसमा चन्दा संकलन गरी १ लाख २० हजारमा यो मेसिन गाँउसम्म पु¥याएर इट्टा निर्माण गरिएको विद्यालयले जनाएको छ । विद्याललयमा अहिले ५० जना विद्यार्थी अध्ययनरत छन् । विद्यालय भवन निर्माणमा प्राविधक काममा नुवाकोटलाई लामो समयदेखी नियाली रहेका इन्जिनियर रामशरण सापकोटाले सहयोग गरिरेहको स्थानीय वृद्ध कृष्णप्रसाद प्याकुरेलले बताए ।