५ फागुन, नुवाकोट । नेकपा एमाले विदुर नगर पालिका ९ नम्बर वडा कमिटीको आयोजनामा जिल्ला कमिटी सदस्य तथा विदुर नगरपालिकाका निर्वाचित वडा सदस्य स्वर्गीय धनमाया सुनारको स्मृतिमा शोकसभा गरिएको छ । 

सोमबार स्वर्गीय सुनारको स्मृतिमा आयोजितमा शोकसभामा बोल्दै नेकपा एमालेकी केन्द्रीय सदस्य विन्दा ढुङ्गाना र पार्टी अध्यक्ष बद्री मैनालीले स्वर्गीय सुनारले पार्टी र समाजमा पुर्याउनु भएको योगदानको बारेमा चर्चा गर्दै शोक मन्तव्य राखेका थिए ।

सभामा बागमती प्रदेश कमिटी सदस्य एवं पूर्वमेयर सञ्जु पण्डित, नेकपा नुवाकोटका सचिव शिवकुमार चित्रकारलगायत पार्टीका कार्यकर्ता र स्थानीयहरुको उपस्थिति रहेको थियो ।

स्वर्गीय सुनारले विदुर नगरपालिका-९ को कार्यवाहक वडा अध्यक्षको रुपमा समेत कार्य गरेका थिए। सुनारले दलित महिला सदस्यमा १ हजार २५ मत प्राप्त गरी निर्वाचित भएकी थिईन् ।

शोक विदामा मेयर, उपमेयर र वडा अध्यक्ष महोत्सवमा

स्वर्गीय सुनारको गत माघ २६ गते देवीघाटमा नुहाउने क्रममा खोलाले बगाएको थियो ।