त्रिशूली सहकारीले स्वरोजगामूलक प्रशिक्षण सञ्चालन गर्दै

डबली खबर     जेष्ठ ११ २०८१ १७:१३

sewing training
social securities awareness bidur municipality
bagamati province sanchar registrar office

नुवाकोट – त्रिशूली बचत तथा ऋण सहकारी संस्थाले स्वरोजगारमुलक प्रशिक्षण सञ्चालन गर्ने भएको छ ।

सहकारीले सामाजिक उत्तरदायित्व अन्तर्गत स्वरोजगारमुलक प्रशिक्षण सञ्चालन गर्न लागेको सहकारीका अध्यक्ष हरिलाल श्रेष्ठले जानकारी दिए । उनकाअनुसार सहकारीका शेयर सदस्यहरुको परिवारबाट एक जनाले प्रशिक्षण लिन पाउने छन् । यस्तै सदस्यले तालिमका लागि आफू सहभागि नभएको खण्डमा परिवारका तर्फबाट छोराछोरी मध्ये एक जनालाई तालिममा सहभागि गराउने सकिने व्यवस्था छ ।

मुख्य रुपमा एसइई दिएर बसेका विद्यार्थीरुलाई सहकारीले बढि जोड दिएको छ । सहकारीले जारी गरेको सूचनाअनुसार प्लम्बर तथा इलेक्ट्रसियन, व्युटिसियन तथा बुटिक, इलोक्टेनिक्स् तालिम (फ्रिज,ए.सी.,वासिड. मेसिन) को प्रशिक्षण प्रदान गरिने छ । प्रशिक्षणका लागि आवश्यक कागजातसहित सहकारीको कार्यालयमा सम्पर्क राख्न सकिने छ ।

सहकारीले प्रशिक्षणमा सहभागि हुनका लागि आवश्यक शर्तहरु पूरा गर्नुपर्ने उल्लेख छ । शर्तअनुसार प्रशिक्षणका लागि सहकारीका सेयर सदस्य हुनुपर्ने अनिवार्य व्यवस्था रहेको सहकारीका प्रबन्धक हरिचन्द्र अमात्यले जानकारी दिए । उनले प्राप्त आवेदनका आधारमा छनोट गरिने जानकारी दिए ।

प्रतिक्रिया


nuwakot trishuli graphic web media service 2020

Top