नुवाकोट – साहित्यकार श्रीराम श्रेष्ठको “मीमांसा” पुस्तकको आज शनिबार विमोचित भएको छ ।
विदुरमा आयोजित एक कार्यक्रमकाबीच संघीय अर्थमन्त्री डा. प्रकाशशरण महतले उक्त पुस्तक विमोचन गरेका हुन् ।
कार्यक्रममा लेखक श्रेष्ठले पढ्ने लेख्ने संस्कृतिको विकासको लागि राष्ट्रपति शैक्षिक सुधार कार्यक्रममा विद्यालयगत नभएर पालिकागत पुस्तकालय निर्माण हुनुपर्नेमा जोड दिए । पुस्तकमा विभिन्न छापा तथा अनलाइन मिडियामा प्रकाशित ५८ ओटा लेखहरु संग्रहित रहेको लेखक श्रेष्ठले जानकारी दिए ।
नेपाली लेखक संघ जिल्ला कार्यसमिति नुवाकोटले प्रकाशनमा ल्याएको उक्त कृति ३६० पृष्ठको छ ।
लेखक नेपाली काँग्रेस नुवाकोटका सचिव तथा नुवाकोट आदर्श बहुमुखी क्याम्पसका अध्यक्ष पनि हुन् ।
प्रतिक्रिया