विदुर – नुवाकोटमा विद्युतीय गाडी बढाउन विदुर नगरपालिकाको छुट्टाछुट्टै स्थानमा एकैपटक दुई चार्जिङ स्टेशन सञ्चालनमा ल्याईएको छ ।

बुधबार नगरपालिकाको वडा नम्बर ४ बट्टारस्थित बसपार्क र हावाघरमा निर्माण गरिएको चार्जिङ स्टेशनको नगरप्रमुख राजन श्रेष्ठले उद्घाटन गरेका हुन् ।

चार्जिङ स्टेशनमा जीबीटी र सीसीएम चार्जिङ उपकरण जडान गरिएको छ। पहिलो मेसिनबाट ठूला र व्यावसायिक गाडी र दोस्रो उपकरणबाट जीप, कारजस्ता साना सवारी चार्ज गर्न मिल्ने जनाएको नेपाल विद्युत्त प्राधिकरण नुवाकोट वितरण केन्द्रका प्रमुख ईन्द्रबहादुर जिसीले जानकारी दिए ।

चार्जिङ स्टेशनमा सवारी साधनको चार्ज गरिसकेपछि ग्राहकले मोबाइल एपमार्फत बिलको भुक्तानी गर्न सक्नेछ ।

बागमती प्रदेश सरकारले निर्माण गरेको चार्जिङ स्टेशनलाई नगरपालिकाले जग्गा उपलब्ध गराएको थियो।