नुवाकोट – निर्वाचन आयुक्त डा. जानकीकुमारी तुलाधरले मतदानमा खसेको मत बदर नहोस् भन्ने आयोगको लक्ष्यमा सघाउन समुदायस्तरमा मतदातालाई सही सूचना दिएर सुसूचित मतदाता तयार गर्न सञ्चारकर्मीलाई आग्रह गरेकी छिन्।
मंसिर ४ गते हुने प्रतिनिधि सभा तथा प्रदेश सभा सदस्यका निर्वाचनका लागि आयोगले आज नुवाकोटमा आयोजित पत्रकार भेटघाट कार्यक्रममा आयुक्त डा. तुलाधरले निर्वाचनलाई स्वतन्त्र, निष्पक्ष र भयरहितरूपमा सम्पन्न गराउन आयोग लागिरहेको बताउँदै निर्वाचन आचारसंहिताको अनुगमन र पालनामा सञ्चार क्षेत्रको महत्वपूर्ण भूमिका रहने उल्लेख गरिन्।
देशभर ७१ प्रतिशत मत खस्ने अनुमान गरिएको उनले बताईन् । जिल्ला कारागारमा रहेका कैदीबन्दीको हकले पनि मतदान गर्न पाउने प्रबन्ध मिलाईएको बताईएको छ । निर्वाचन पर्वको रुपमा मनाउन सबै नागरिकले मताधिकार व्यक्त गर्न अनुरोध गरेकी छिन्।
उनले निर्वाचनको सञ्चालन, व्यवस्थापन, नियन्त्रण र रेखदेखका लागि संविधानले दिएको जिम्मेवारी पूरा गर्न आयोग कटिबद्ध रहेको र आचारसंहिता नियमनको व्यवस्था गरिएको बताइन् ।
उनले सञ्चारकर्मीप्रति आयोगको ठूलो विश्वास रहेकाले आयोगले आचारसंहिताको अनुगमनलगायतका संरचनामा सञ्चार क्षेत्रको प्रतिनिधित्वलाई अभिन्न अंगका रूपमा व्यवस्था गरेको बताइन् ।
प्रतिक्रिया