ग्रेडवृद्धि परीक्षा वैशाख २२ र २३ गते

१७ वैशाख, नुवाकोट । शिक्षक आन्दोलनले स्थगित भएको विदुर नगरपालिकास्तरीय ग्रेडवृद्धि परीक्षा यहि वैशाख २२ गतेदेखि सुरु हुने भएको छ ।

आज विदुर नगरपालिकाले सूचना जारी गर्दै शैक्षिक सत्र २०८१ को आधारभूत तह उत्तीर्ण परीक्षा तथा नगरस्तरीय कक्षा ५ को वार्षिक परीक्षामा सहभागी भई बढीमा दुई विषयमा नन् ग्रेड (एनजि) भएका विद्यार्थीहरुको ग्रेड वृद्धि परीक्षा वैशाख २२ र २३ गते हुने जनाएको छ ।

ग्रेडवृद्धि परीक्षाको लागि कक्षा ८ को हकमा त्रिशूलीमा रहेको त्रिभुवन त्रिशूली माध्यमिक विद्यालय केन्द्र तोकिएको छ ।

यस्तै, कक्षा ५ को लागि सम्बन्धित परीक्षार्थी अध्ययनरत विद्यालय परीक्षा केन्द्र रहेको छ । कक्षा ५ को उत्तरपुस्तिका परीक्षण सम्बन्धित विद्यालयले नै गराउने सूचनामा उल्लेख छ ।