विदुर नगरपालिकाले ३३३ जनालाई निःशुल्क कम्प्युटर तालिम दिदैं

डबली खबर     जेष्ठ १५ २०८१ १७:३३

Building of Bidur Municipality Office
social securities awareness bidur municipality
bagamati province sanchar registrar office

नुवाकोट – विदुर नगरपालिकाले माध्यमिक शिक्षा परीक्षा, कक्षा दश (एसइई)को परीक्षा दिएर बसेका विद्यार्थीलाई निःशुल्क १३५ घण्टे आधारभूत कम्प्युटर तालिम दिने भएको छ । तालिमका लागि नगरका २१ सामुदायिक विद्यालयहरू छनाैट गर्नुको साथै हरेक विद्यालयमा काेटा निर्धारण गरेको छ ।

नगरपालिकाका सामुदायिक विद्यालयबाट कक्षा दशको परीक्षा दिएर बसेका विद्यार्थीलाई लक्षित गरेर पायक पर्ने स्थानमा कम्प्युटरसम्बन्धिको आभारतभूत तहको सीप सिकाउन लागिएको नगरप्रमुख राजन श्रेष्ठले जानकारी दिए । उनकाअनुसार विद्यार्थीलाई उच्च शिक्षा अध्ययनको लागी प्रविधिमैत्री बनाउन र परीक्षा पश्चात् खाली समयको सदुपयोग गर्न कम्प्युटर सिकाउन लागिएको हो ।

“विद्यालयतहमा कम्प्युटर शिक्षालाई समावेश गरेपनि अनिवार्य गर्न सकिएको छैन”, नगरप्रमुख श्रेष्ठले भने “प्रविधिको उपयोग र रोजगारको लागी कम्प्युटर ज्ञान अनिवार्य भएकाले विद्यालयतहको कक्षा पूरा गर्न लागेका विद्यार्थीलाई सीप सिकाउन लागिएको हो ।”

नगरपालिकाले युवा लक्षित सीप र स्वरोजगार केन्द्रीत कार्यक्रमलाई आगामी वर्ष अझै वृद्धि गर्ने नीति लिएको छ ।

चालु आर्थिक वर्षमा हस्तकला, सिकर्मी, डकर्मी, कपाल काट्ने, तरकारी खेती तथा पशुपंक्षीपालन सम्बन्धि तालिम प्राप्त गर्ने युवाको सङ्ख्या एक हजार भन्दा बढी रहेका छन् ।

आगामी वर्षको लागि तयारी भइरहेको बजेटमा यो सङ्ख्या अझै बढाएर स्वरोजगार अन्तरगत हस्तकला, लघुउद्यमी, कृषि तथा पशुपंक्षीपालनमा प्रोत्साहन गर्ने कार्यक्रम समावेश गर्ने योजना रहेको नगरप्रमुख श्रेष्ठले बताए ।

तालिममा जेहेन्दार, विपन्न, अपाङ्ग भएका व्यक्ति, जनजाती र छात्रा हुनुपर्नेछ । यस्तै, कम्प्युटर तालिम प्राप्त नगरेका, तालिमअविधभर पुरै समय दिनसक्ने र विद्यालयले तय गरी विद्यार्थी छनाैट गर्नेछन् ।

प्रतिक्रिया


nuwakot trishuli graphic web media service 2020

Top