पाठेघर क्यान्सरसम्बन्धी निःशुल्क स्वास्थ्य शिविर

डबली खबर     जेष्ठ ६ २०८१ १९:०४

Free health camp on cervical cancer in bidur municipality nuwakot
social securities awareness bidur municipality
bagamati province sanchar registrar office

नुवाकोट – विदुर नगरपालिकाले आयोजना गरेको पाठेघरको मुखको क्यान्सरसम्बन्धी एकमहिने स्वास्थ्य शिविर सुरु भएको छ । अहिले जेठ ३ गतेदेखि सुरु भएको शिविरमा ७० जना महिलाले स्वास्थ्य परीक्षण गराएको छ ।

नगर कार्यपालिकाको कार्यालयले एक सूचना जारी गर्दै जेठ ३ गतेदेखि असार ४ गतेसम्म शिविर सञ्चालन हुने जानकारी गराएको छ ।

मेरि स्टोप्स सेन्टरको समन्वयमा नगरका १३ वटै वडाका शहरी स्वास्थ्य केन्द्र, इकाई र समुदायिक विद्यालयमा बिहान १० बजे देखि ४ बजेसम्म शिविर सञ्चालन हुनेछ । शिविरमा पाठेघरको मुखको क्यान्सरको जाँच, पाठेघर खसेको स्क्रिनिंग जाँच तथा पाठेघर सम्बन्धि अन्य स्वास्थ्य जाँच तथा उपचार सम्बन्धि शिविर सञ्चालन हुने विदुर नगरपालिकाका नगरप्रमुख राजन श्रेष्ठले जानकारी दिए ।

पाठेघर सम्बन्धि समस्या भएका महिलाहरुले समयमै स्वास्थ्य परिक्षण गराई मौकाको फाईदा उठाउन समेत पालिकाले अनुरोध गरेको छ ।

शिविरमा परिवार नियोजन सेवा र पोषण प्रदर्शनी कार्यक्रम समेत रहेको नगरका जनस्वास्थ्य निरीक्षक रामराजा भण्डारीले जानकारी दिए ।

प्रतिक्रिया


nuwakot trishuli graphic web media service 2020

Top