विदुर – नुवाकोटमा एक हजार ३१६ जना आँखाका बिरामीको परीक्षण गरी मोतीविन्दुको शल्यक्रिया गरेको छ ।
जिल्ला सामुदायिक आँखा केन्द्र, तिलगंगा आँखा प्रतिष्ठान र नेपाल रेडक्रस नुवाकोटको संयुक्त आयोजनामा जिल्लाका विभिन्न स्थानमा सञ्चालन गरेको शिविरबाट छनौट गरिएको ८५ जनाको मोतीविन्दु भएका बिरामीको शल्यक्रिया गरिएको केन्द्रका प्रमुख ताराबहादुर वाइबाले जानकारी दिए ।
असोज २३ र २३ गते दुई दिन भएको शल्यक्रियामा चार जना बिरामीको आँखामा मासु पलाएको शल्यक्रिया गरी उपचार गरिएको छ।
शल्यक्रियामा तिलगंगा आँखा प्रतिष्ठाका नेत्ररोग विशेषज्ञ डा. होम गुरुङको नेतृत्वको समुह सफल शल्यक्रिया गरेको छ ।
विदुर र बेलकोटगढी नगरपालिका, लिखु, तादी, तारकेश्वर, सूर्यगढी र म्यागङ गाउँपालिकामा भाद्र २६ गतेदेखि असोज १८ गतेसम्म मोतीयाविन्दु छनौट कार्यक्रमबाट पहिचान भएका मोतीविन्दुका बिरामीहरुको शल्यक्रियाबाट आँखाको ज्योति फर्काइएको केन्द्रका प्रमुख वाइबाले बताए ।
यस्तै, केन्द्रले स्थापनादेखि अहिलेसम्म तीनलाख ५१ हजार बढी आँखाका बिरामीलाई उपचार सेवा प्रदान गरेको छ भने करिब पाँच सय ८५ बिरामीको सफल शल्यक्रियाद्वारा आँखाको ज्योति फर्काइएको छ ।
मोतीविन्दुको रोकथाम तथा उपचारकसरी गर्ने?
- बाहिर हिँड्दा अथवा घाममा हिँड्दा घामबाट बच्न चश्मा लगाउने
- धूमपानबाट अथवा निकोटिन वा सूर्तीजन्य पदार्थ सेवन नगर्ने
- पोषिलो खाना, सागसब्जी, तथा फलफूलको नियमित सेवन गर्ने
- आँखाको नियमित अथवा समय समयमा परीक्षण गर्ने
- मोबाइल कम्प्युटरको सीमित मात्रामा मात्र प्रयोग गर्ने
- डाक्टरको सल्लाहबिना औषधी प्रयोग नगर्ने।
प्रतिक्रिया