कात्तिक ९, नुवाकोट । गएको बिहीबारदेखि एकाएक ठप्प बनेका सरकारी तथा वित्तीय निकायका वेबसाइट र अनलाइन सेवाहरू अन्ततः पुनः सञ्चालनमा आएका छन्।
विश्वभर व्यापक रूपमा प्रयोग हुने ‘पीएचपी’ प्रोग्रामिङ भाषामा गम्भीर सुरक्षा जोखिम देखिएपछि सम्भावित जोखिम टार्न राष्ट्र बैंक, अर्थ मन्त्रालय, भन्सार विभाग र भेहिकल ट्र्याकिङ प्रणालीजस्ता संवेदनशील निकायका डिजिटल सेवाहरू चार दिनसम्म पूर्ण रूपमा बन्द गरिएका थिए।
सफ्टवेयर विकास तथा सञ्चालन केन्द्रका अनुसार प्रणालीमा देखिएको सुरक्षा त्रुटि सच्याउन आवश्यक ‘सुरक्षा प्याच’ हालेर विस्तृत परीक्षण गरिसकिएकाले धेरैजसो प्रणालीहरू पुरानै स्थितिमा फर्किसकेका छन्।
प्राविधिक टोलीले बाँकी रहेका केही सेवा र वेबसाइटहरूलाई पनि यथाशीघ्र चुस्त बनाएर सञ्चालनमा ल्याउन निरन्तर काम गरिरहेको जनाएको छ।
पीएचपीमा पाइएको यही प्राविधिक कमजोरीका कारण विश्वव्यापी रूपमा प्रणाली अद्यावधिक गर्नुपर्ने भएपछि नेपालका मुख्य प्रशासनिक तथा वित्तीय डिजिटल सेवाहरू केही दिनका लागि प्रभावित हुन पुगेका थिए।
लेखकको बारेमा
