विदुर – पोष्टबहादुर बोगटी बहुप्राविधिक शिक्षालय नुवाकोटमा अध्यापन हुने होटल व्यवस्थापन संकायमा अध्ययनरत प्रशिक्षार्थीहरुको प्रशिक्षणवृत्ति होटल र्याडिसन होटेलमा हुने भएको छ । उक्त संकायका विद्यार्थीहरुले होटल र्याडिसनमा प्रशिक्षणवृत्ति गर्न शिक्षालयबीच सम्झौता भएको छ ।
शुक्रबार प्रशिक्षणवृत्ति लागि शिक्षालयका प्रमुख कपिल पाण्डे र होटलका निर्देशक किरण पन्तले सम्झौतापत्रमा हस्ताक्षर गरेका छन् ।
प्राविधिक शिक्षा व्यवसायिक तालिम परिषद् अन्तर्गत नुवाकोट र रसुवा जिल्लाकै एकमात्र आङ्गगिक शिक्षालयमा अध्यापन हुने होटल व्यवस्थापन संकायका तेस्रो वर्षको दोस्रोखण्डमा अध्ययनरत प्रशिक्षार्थीहरुको छ महिने प्रशिक्षणवृत्तिको लागि उक्त होटलसँग लिखित सम्झौता गरेको हो ।
उक्त सम्झौता सिटिइभिटी प्रणालीमै पहिलो सम्झौताको रुपमा रहेकोे शिक्षालयको होटल व्यवस्थापन विभागका विभागीय प्रमुख प्रकाश रैलाले जानकारी दिए ।
त्यसैगरी शिक्षालयले नेपालका पाँचतारे होटलहरु सोल्टी, मल्ल, एभरेस्ट र पोखराको रुपाकोट रिसोर्टमा आफ्ना प्रशिक्षार्थीहरुलाई प्रशिक्षणवृत्तिको व्यवस्था मिलाइएको शिक्षालयका विभागीय प्रमुख रैलाले जानकारी दिए । उनका अनुसार प्रख्यात पाँचतारे होटलहरुको तालिमले प्रशिक्षार्थीहरुमा उत्साह थपिनुका साथै र राष्ट्रिय तथा अन्तर्राष्ट्रियस्तरमै प्रशिक्षार्थिहरु दक्ष हुने बताए ।
नुवाकोट होटल आतिथ्यता क्षेत्रमा बामे सर्दै गरेको अवस्थामा रहेकाले सम्बन्धित निकायको साथ र सहयोग अझ पाउने हो भने पोस्टबहादुर बोगटी बहुप्राविधिक शिक्षालय नुवाकोट र रसुवामै कोशेढुङ्गाको रुपमा सावित हुने विभागीय प्रमुख रैलाले बताए ।
प्रतिक्रिया