विदुर – नुवाकोट क्रिकेट संघको प्रमुख दुई पदमा पुरानै अनुहारसँगै संस्थापक अध्यक्षसहित नयाँ कार्य समिति निर्वाचित भएको छ । आईतबार बट्टारमा भएको संघको चौथो अधिवेशनबाट अध्यक्षमा दुर्गाराज पाठक र सचिवमा करण खतिवडा सर्वसम्मत निर्वाचित भएका छन् ।
पाठक नेपाल क्रिकेट संघ (क्यान) को कार्यबाहक सचिव समेत हुन् ।
अधिवेशनमा उपाध्यक्ष र कोषाध्यक्षबाहेक सबै पदमा सर्वसम्मत भएको निर्वाचन समितिका संयोजक सुरेन्द्रराज अधिकारीले जानकारी दिए ।
उपाध्यक्ष पदमा विष्णु प्याकुरेलले आफ्ना निकटतम प्रतिद्वन्द्वी बिनोद श्रेष्ठलाई ७ मतको मतान्तरले हराउँदै विजयी भएका हुन् । प्याकुरेलले १२ मत र श्रेष्ठले ५ मत प्राप्त गरेका छन्।
त्यस्तै, कोषाध्यक्ष पदमा राजेन्द्र पनेरुले विराटमानसिंह डंगोललाई ८ मतको मतान्तरले हराउँदै विजयी भएका हुन् । पनेरुले १२ मत र डंगोलले ४ मत प्राप्त गरेका छन् ।
यस्तै, सदस्यहरुमा केशव मिश्र, अनुजमान श्रेष्ठ, रामधन ढकाल, प्रज्जवल सापकोटा, पारस अधिकारी, सुरज सिलवाल, उपेन्द्र भट्टराई र ओमप्रकाश श्रेष्ठ निर्वाचित भएका छन् ।
सदस्यमा निर्वाचित मिश्र संस्थापक अध्यक्ष हुन् ।
प्रतिक्रिया