विदुर – प्राविधिक शिक्षा तथा व्यावसायिक तालीम परिषद् (सिटिइभिटी) को आंगिक पोष्टबहादुर बोगटी बहुप्राविधिक शिक्षालयमा अध्यापन गराईने दुई संकायको शुल्क घटेको छ ।
आज बुधबार बसेको शिक्षालय सञ्चालक समिति अध्यक्ष एवं प्रमुख जिल्ला अधिकारी नारायणप्रसाद रिसालको अध्यक्षतामा बसेको बैठकले उक्त निर्णय गरेको हो ।
नुवाकोट र रसुवामै पहिलोपटक सञ्चालित बहुप्राविधिक शिक्षालयमा डिप्लोमा इन एग्रीकल्चर बाली विज्ञान तथा पशु विज्ञान र डिप्लोमा इन होटल म्यानेजमेण्ट कार्यक्रमको तीन वर्षको ६० हजार निर्धारण गर्ने निर्णय गरिएको छ । यसअघि उक्त अध्ययनको लागि ८५ हजार रुपैंयाँ रहेको थियो ।
यसै शैक्षिक सत्र २०७९/८० देखि नयाँ शुल्क कार्यान्वयनमा आउने शिक्षालय प्रमुख कपिल पाण्डेले जानकारी दिए ।
हाल शिक्षालयमा १६७ विद्यार्थी अध्ययन गर्दै आईरहेको छ।
प्रतिक्रिया