विदुर – पछिल्लो २४ घण्टामा नुवाकोट जिल्लामा २३ जना कोरोना संक्रमित थपिएका छन् । स्वास्थ्य कार्यालयको तथ्यांकअनुसार सङ्क्रमित हुनेमा महिला १२ र पुरुष ११ जना रहेका छन् ।
त्रिशुली अस्पतालको ल्याबमा गरिएको परीक्षणबाट थप २३ जनामा कोरोना देखिएको हो । सङ्क्रमित हुनेमा विदुर नगरपालिकाका १६ जना, बेलकोटगढी नगरपालिकाका ५ जना, र तादी गाउँपालिकाका २ जना रहेका छन् ।
योसँगै जिल्लामा ५९ जना सक्रिय कोरोना सङ्क्रमित बिरामी रहेको स्वास्थ्य कार्यालयले जनाएको छ । जसमा संक्रमित सबै होम आइसोलेसनमा बसेका छन् ।
तथ्यांकअनुसार जिल्लामा कोरोनाबाट ५२ जनाको मृत्यु भएको छ भने अहिलेसम्म ८ हजार ४५० कोरोना सङ्क्रमित भएका छन् ।
प्रतिक्रिया