नुवाकोट – पछिल्लो २४ घण्टामा १५ जना संक्रमितले कोरोना जितेर घर फर्किएका छन् । योसँगै निको हुनेको सङ्ख्या १ हजार २४९ पुगेको छ ।
स्वास्थ्य कार्यालयको तथ्यांकअनुसार सङ्क्रमित हुनेमा विदुर नगरपालिकाका १९ जना, बेलकोटगढीका ७ जना, तारकेश्वर गाउँपालिकाका २६ जना, किस्पाङ ६ जना, म्यागङ र पन्चकन्याका २/२ जना, लिखु, तादी र शिवपुरीकाका १/१ जना रहेका छन् ।
हाल जिल्लामा ६२७ जना सक्रिय कोरोना सङ्क्रमित बिरामी रहेको स्वास्थ्य कार्यालयका सूचना अधिकारी उत्तमराज खनालले जनाकारी दिए । जसमा ४४ जना अस्पताल, ४ जना सेन्टरमा र ५७९ होम आइसोलेसनमा उपचारत रहेका छन् ।
तथ्यांकअनुसार जिल्लामा कोरोनाबाट तीन जनाको मृत्यु भएको छ भने १ हजार ८८० कोरोना सङ्क्रमित भएका छन् ।
प्रतिक्रिया