विदुर – लक डाउनको उल्लङ्घन गरी खाद्यान्न बोक्ने गाडीमा मदिरा ओसारपसार गर्ने दुई सवारीसाधनसहित चालक र व्यापारीलाई नुवाकोट प्रहरीले नियन्त्रणमा लिएको छ।
विश्वव्यापी महामारीको रुपमा फैलिदै गरेको नोबेल कोरोनाभाईरस (कोभिड-१९) संक्रमणको विरुद्ध नेपाल सरकारद्वारा जारी भएको लकडाउनको समयमा मदिरा बेचबिखनको लागि ल्याउँदै गरिएको अवस्था प्रहरीले बा ५ ख २६९२ नम्बरको खाद्यान्न बोक्ने भनि लेखिएको आईचर गाडीलाई विदुर चेकपोस्टबाट नियन्त्रणमा लिएको हो ।
करिब ८६ हजार ३ सय ९१ बराबरको परिमाण रहेको मदिरा सहितलाई सवारी चालक बाबुकाजी तामाङ र सम्बन्धित व्यापारीहरुलाई आवश्यक कारबाहीको लागि बुधबार जिल्ला प्रशासन कार्यालय नुवाकोटमा बुझाईएको प्रहरी प्रमुख अवीनारायण काफ्लेले जानकारी दिए । उनका अनुसार डि.बि सप्लार्यसबाट श्री माँ कन्यादेबी किराना पसलकाे लागि ल्याईएकाे हाे ।
यस्तै, बिहिबार बा ४ ख ९८५ नं.को आईचर गाडीमा अनाधिकृत रुपमा करिब एक लाख ३५ हजार ३ सय ३२ बराबरको परिमाणमा रहेको मदिरा ओसारपसार गरिरहेको अवस्थामा प्रहरीले नियन्त्रणमा लिई मदिरा सहितलाई सवारी चालक सगरमाथा तामाङ र व्यापारीलाई आवश्यक कारबाहीको लागि प्रशासन कार्यालयमा बुझाईएको प्रहरी प्रमुख काफ्लेले जानकारी दिए । उक्त मदिरा एस अधिकारी सप्लायर्सकाे रहेकाे उनले जानकारी दिए ।
प्रतिक्रिया