विदुर असोज १२, दशैको अवसर पारेर विदुर नगरपालिका वडा नंम्बर १० को जालपादेवि सामाजिक क्लब गैरिखर्कले बुधबार दशैको शुभकामना आदानप्रदान तथा उपाहार कार्यक्रम सम्पन्न गरेको छ ।

जिल्ला समन्वय समितिका सभापति सन्तमान तामाङको प्रमुख आतिथ्यता तथा क्लबका अध्यक्ष रामशरण थापाको सभापतित्वमा करिव १५ वटा संघसंस्थाका प्रतिनिधि लगायत उपस्थिति रहेको थियो । कार्यक्रममा बोल्दै जिल्ला समन्वय समितिका सभापति सन्तमान तामाङले देश संघियतामा गइसकेको अवस्थामा सामाजिक क्लबहरुको महत्व झन बढ्दै गएको धारण व्यत्त गर्नुभयो । साथै तामाङले जिम्मेवार भएर काम गर्न समेत निर्देशन दिनुभयो ।

त्यस्तै विदुर नगरपालिका वडा नं १० का अध्यक्ष गणेश कुमार नेपालले स्थानिय स्तरमा भएका समस्या तथा विकास निर्माणमा सबैले हातेमालो गर्न सके विकासले गति लिने बताउनुभयो । रेडक्रसका उपसभापति राजकुमार भट्टराईले आपतकालिन समयमा जस्तोसुकै समाधान पनि समाजभित्रै रहने भएकोले सम्पुर्ण समाज एकताबद्ध भई अगाडि बढ्दा सहज हुने धारणा व्यत्त  गर्नुभयो ।

कार्यक्रमको चिठ्ठा अन्र्तगत प्रथम पुरस्कारको रुपमा कुपन नं ४९१ कि पुजा धमलालाई ३२ इन्जको भिम टेलिभिजन, कुपन नं ७४२ कि इश्वरी नेपाललाई फ्रिजर र तेस्रो पुरस्कार कुपन नं ११४ का सौरभ वस्नेतलाई मोबाइल फोन प्रदान गरिएको थियो भने अन्य ८ जनालाई सानत्वना पुरस्कार प्रदान गरिएको थियो ।