हामीले मोबाइल पड्किएर मानिस घाइते भएको तथा ज्यानै समेत गएका समाचार बेलाबेलामा सुन्ने गर्दछौँ । वास्तबमा मोबाइल पड्कनु भनेको यसमा प्रयोग गरिएको ब्याट्री पड्किनु हो । पछिल्लो समयमा मोबाइलमा प्रयोग गरिएका कमजोर खालका ब्याट्रि बिस्फोट भएर यस्ता घटना हुने गर्छन् । तर, कहिलेकाहीँ अन्य विभिन्न खराबीले समेत मोबाइल पड्किन सक्छ । त्यसैले मोबाइल बिस्फोटबाट जोगिनका लागि निम्न उपाय अपनाउनुपर्छ ।
१. मोबाइल फोन खरिद गर्दा ब्याट्री सक्कली मात्र किन्नुहोला । सस्तो पाइयो भन्दैमा जस्तो ब्याट्री पनि किनेर प्रयोग गर्नुहुन्न ।
२. बढी तापक्रम भएको ठाउँमा मोबाइल राख्नु हुँदैन । चलिरहेको कम्प्युटर, ल्यापटप वा टेलिभिजन सेटमाथि मोबाइल राख्नु खतरनाक हुन्छ । त्यस्तै आगोको नजिक पनि मोबाइल राख्नु हुँदैन ।
३. मोबाइल प्रयोग निषेध लेखिएका ठाउँमा मोबाइल प्रयोग गर्नुहुँदैन । माइक्रोवेब टावर तथा विजुलीका ठूला उपकरणको नजिक मोबाइल प्रयोग गर्नु ज्यादै खतरनाक हुन्छ । मोबाइल फोनको सेटलाई पानीबाट जोगाउनुपर्छ । मोबाइलभित्र पानी पस्यो भने सर्किट सट भएर विस्फोट हुन सक्छ ।
४. चार्ज गरिरहेको बेला मोबाइल फोन धेरै तात्यो भने सावधान हुनुपर्छ । यदि त्यस्तो भयो भने तुरुन्त चार्जबाट निकालेर प्राविधिकलाई देखाउनुपर्छ ।
५. भोल्टेज अनियमित छ तथा पावर प्लग ठीक छैन भने पनि मोबाइल चार्ज नगर्नुहोस् । यस्तोमा चार्जरको तल झिल्का उठ्ने र मोबाइलमा आगलागी हुने सम्भावना बढी हुन्छ । यो ज्यादै खतरनाक हुन्छ ।
६. मोबाइलको सुविधाहरु भन्दा त्यसको गुणस्तरमा ध्यान दिनुपर्छ । सस्तोको चक्करमा परेर कमजोर मोबाइल सेट किन्नु हुँदैन । ‘सस्तो बेसाहा, पेट लागी मर’ भनेझैँ त्यसले दुर्घटना निम्त्याउन सक्छ ।
एजेन्सीको सहयोगमा अनुवादः विशाल सापकोटा
प्रतिक्रिया