१५ माघ, नुवाकोट । ग्लोबल आइएमई बैंक लिमिटेडले आफ्ना ग्राहकहरुलाई सरल, सहज र अत्याधुनिक बैंकिङ्ग प्रदान गर्ने उद्देश्यले ग्राहक स्वयंले बैंकको शाखा कार्यालयमा रहेको ‘किओस्क’ उपकरणबाट बैंक खाता खोल्न सक्ने सुविधा सार्वजनिक गरेको छ ।

बैंकले आफ्नो १९औं वार्षिककोत्सवको अवसर पारेर उक्त उपकरणबाटै खाता खोल्न सकिने सुविधा ल्याएको हो ।

बैंकमा खाता खोल्नको लागि ग्राहकहरुले बैंकको काठमाडौंको कमलादीस्थित शाखा कार्यालयमा रहेको ‘किओस्क’बाटै सहज रुपमा आफ्नो बैंक खाता खोल्न सक्नेछन् ।

यसरी खाता खोल्नेक्रममा सम्पूर्ण विवरणहरु ‘किओस्क’मार्फत् प्रदान गर्नुपर्नेछ । तत्पश्चात्, आवश्यक कागजातहरु प्रविष्ट गरी खाता नम्बर उपलब्ध गराइनेछ । हालका लागि यो सेवा बैंकको कमलादीमा रहेको ‘डिजिटल युनिभर्स’बाट मात्र उपलब्ध रहेको छ ।

यसअघि, बैंकले बैंकको कमलादीस्थित शाखामा रहेको ‘डिजिटल युनिभर्स’ मार्फत् उपकरणबाटै नगद र चेक जम्मा जस्ता सेवाहरु उपलब्ध गराइरहेको थियो ।

भविष्यमा यस्ता सेवालाई बैंकले अरु स्थानमा पनि विस्तार गर्दै जाने योजना राखेको जनाएको छ ।