२३ वैशाख, विदुर । नेकपा माओवादी केन्द्रको भ्रातृ संगठन योङ कम्युनिष्ट लिग (वाइसीएल) नुवाकोटले नयाँ नेतृत्व पाएको छ । अध्यक्ष गजुरेलसहित ११ सदस्यीय पदाधिकारी रहने गरि ६१ सदस्यीय कमिटी निर्वाचित भएको हो ।
मङ्गलबार भएको वाइसीएल नुवाकोटको चौंथो जिल्ला सम्मेलन निर्वाचनमार्फत् अध्यक्षमा जलन गजुरेल निर्वाचित भएका छन् । उनले १६० मत प्राप्त गर्दा प्रतिद्वन्द्वी दिनेश अधिकारीले ८७ मत प्राप्त गरेका छन् ।
उपाध्यक्षमा सरोज तामाङ र सूर्यबहादुर तामाङ निर्वाचित भएका छन् । उनीहरुले क्रमश: १७२ र १५४ मत ल्याएर निर्वाचित भएका छन् ।
यसैगरी सचिवमा सुरेन्द्र लामाले १५८ मत प्राप्त गरी निर्वाचित भए । उनका प्रतिद्वन्द्वी रामशरण प्याकुरेलले ७९ मत प्राप्त गरेका गरे ।
वाइसीएल अध्यक्ष, उपाध्यक्ष (खुला) र सचिव पदको लागि निर्वाचन भएको थियो ।
अन्य पद महिला उपाध्यक्ष, कोषाध्यक्ष, सहसचिव र सदस्यहरुमा उम्मेदवारहरु निर्विरोध निर्वाचित भएका थिए । महिला उपाध्यक्ष १ जना, कोषाध्यक्ष १ जना, सहसचिव ५ जना, सदस्यहरु ५० जना उम्मेदवारहरु निर्विरोध निर्वाचित भएका थिए ।
निर्वाचनमा ६ मत बदर भएको थियो ।
निर्वाचनको नतिजा
प्रतिक्रिया