१८ चैत, विदुर । राष्ट्रिय प्रजातन्त्र पार्टी (राप्रपा) नुवाकोटले वरिष्ठ उपाध्यक्ष रवीन्द्र मिश्र र महामन्त्री धवलशमशेर राणालाई रिहा गर्ने माग गर्दै बट्टारमा मसाल जुलुस निकालेका छन् ।
पार्टीका नेताहरूले जुलुसमा सरकारको विरोधमा नारा लगाउँदै मसाल जुलुस निकालेका थिए ।
जुलुसमा सहभागीहरूले ‘हाम्रो नेता रिहा गर’, ‘गणतन्त्र धोका हो’, ‘हिन्दु राष्ट्र कायम गर’, ‘संघीयता खारेज गर’ लगायतका नारा लगाएका थिए।
राजावादी आन्दोलनमा भएको हिंसात्मक घटना काठमाडौँको तीनकुनेमा हत्या, तोडफोड र आक्रमण हुँदा मिश्र र राणालाई उक्साउन संलग्न भएको भन्दै प्रहरीले पक्राउ गरेको थियो ।
प्रतिक्रिया