१४ चैत, नुवाकोट । राष्ट्रिय स्वतन्त्र पार्टी (रास्वपा) नुवाकोटले जिल्लाका विभिन्न ५० वडा समितिलाई वैधानिकता दिएको छ ।
रास्वपाले चैत १२ गतेसम्ममा ३० वटा वडाको अधिवेशन गर्न सफल भएको जिल्ला सभापति रामेश्वर गजुरेलले जानकारी दिए । यसैगरी, २० वटा वडाको तदर्थ समिति अध्यावधिक भएको र ३८ वटा वडाहरूको अध्यावधिक हुन बाँकी रहेको उनले जानकारी दिए ।
उनले भने, ‘पार्टी अहिले वडा अधिवेशन केन्द्रित रहेको छ । वडा, पालिका अधिवेशन पश्चात् जिल्ला अधिवेशन तयारीमा जुतेनेछौँ ।’
हालसम्म वडा समिति गठन नभएका वडाहरुमा आवश्यक प्रक्रियागत रुपमा विस्तार गरिने उनले बताए ।
उक्त वडाहरुमा तदर्थ समिति गठन गर्नको लागि सहज र प्रभावकारी बनाउन सक्रिय सदस्यहरुलाई पार्टीले निर्देशन गरेको जनाएको छ ।
प्रतिक्रिया