११ चैत, नुवाकोट । नेकपा (एमाले) को केन्द्रीय निर्देशनअनुसार सङ्घीय लोकतान्त्रिक गणतन्त्रको पक्षमा जनमत सिर्जना गर्न देशव्यापी जनसचेतना अभियान सञ्चालन गर्ने क्रममा जनचेतना सम्प्रेषण तयारीको लागि जिल्ला कमिटी नुवाकोटले परिपत्र गरेको छ ।
जिल्ला कमिटीका अध्यक्ष बद्री मैनालीको अध्यक्षतामा बसेको बैठकको निर्णयहरु पार्टीका आ-आफ्नो क्षेत्रमा सृजनात्मक ढंगले लागू गर्न निर्देशन दिएको छ ।
केन्द्रीय निर्देशन अनुरुप २०८१ चैत ११ गते वडा केन्द्रीय जनसचेतना कार्यक्रम सञ्चालन गर्न यथाशिघ्र प्रदेश कमिटीको इञ्चार्जको सहमतिमा पालिका कमिटी अध्यक्षले पालिका कमिटीको पूर्ण बैठक गर्नुपर्ने निर्णय गरेको छ ।
बैठकले चैत १८ गते हुन लागिरहेको नुवाकोटको सदरमुकाम विदुरमा हुन लागेको जागरणसभामा प्रत्येक पालिकाबाट पार्टी कमिटी पदाधिकारी एवं सदस्यहरु, जनसंगठनका पदाधिकारी एवं सदस्यहरुलाई कार्यक्रममा सहभागिताको लागि निर्देशन गरेको छ ।
यहि चैत २६ गते बट्टारमा हुने अभिमुखीकरण कार्यक्रममा जिल्ला कमिटीका सदस्य, पालिका कमिटीका पदाधिकारी, जनसंगठनका पदाधिकारी, निर्वाचित वडाध्यक्ष, कार्यपालिका सदस्य र वडा कमिटीका अध्यक्षहरुलाई सहभागी हुन पार्टीले परिपत्र गरेको छ ।
प्रतिक्रिया