२८ माघ, काठमाडौं । सागर ग्रुपले इनेक्स ब्राण्डका ‘इनेक्स’का नयाँ उत्पादनहरु सार्वजनिक गरेको छ । कम्पनीले नेपाली बजारमा ‘इनेक्स क्यूब’, ‘इनेक्स सी-५७० क्यामेरा’ र ‘इनेक्स कनेक्ट’ ल्याएको हो ।
उक्त उत्पादनको प्रयोगबाट ग्राहकहरूले भर्चुअल बैठकमा नयाँ अनुभव लिनसक्ने कम्पनीकी कार्यकारी प्रमुख अधिकृत बुद्ध लक्ष्मी मानन्धरले बताईन् । एआई–सञ्चालित, उच्च गुणस्तरीय भिडिओ र निर्बाध कार्यक्षमता भएका इनेक्सका तीन वटै मोडलका उत्पादनले प्रयोगकर्तालाई फोटो वा भिडियोको खिचाइमा उत्कृष्ट अनुभव प्रदान गर्ने उनले बताईन् ।
इनेक्स क्यूब र इनेक्स सी-५७० क्यामेरामा उच्च रिजोल्युसनको सेन्सर र राम्रो कलर रिकर्शनको लागि एड्भान्स प्रविधि प्रयोग गरिएको छ । सबै मोडलहरूमा अत्याधुनिक फिचर, डिजाइन र उत्कृष्ट प्रदर्शन क्षमता भएकाले ग्राहकहरूलाई इनेक्सका यी उत्पादनका प्रयोगले दैनिकीमा पनि सहजीकरण ल्याउने उनको विश्वास छ ।
विश्व बजारमा लोकप्रिय प्रिन्टरका उत्पादनकर्ता कोनिका मिनोल्टाले इनेक्सका क्यामेरालगायत अन्य डिजिटल उपकरणहरूको उत्पादन गर्दै आईरहेको छ ।
प्रतिक्रिया