२३ माघ, नुवाकोट । नेपाल टेलिकमले भाेवाईफाई सेवा सुरू गरेकाे छ । नेपाल टेलिकमले आफ्नो २१ ओैं वार्षिकोत्सवकाे अवसरमा भाेवाईफाई सेवाकाे व्यवसायिक सुरूवात गरेकाे हाे ।
मङ्गलबार एक कार्यक्रमकाबीच सञ्चार तथा सूचना प्रविधि मन्त्री पृथ्वीसुब्बा गुरूङले भाेवाईफाई सेवाकाे उद्घाटन गरेका हुन् ।
यस प्रविधिमार्फत भाेवाईफाई सपाेर्ट गर्ने र भाेल्टे सेवा सक्रिय भएको जुनसुकै माेबाइलबाट देश भित्र तथा देश बाहिरबाट वाईफाई नेटवर्कमार्फत नेपाल टेलिकमकै माेबाइल नम्बरबाट भ्वाइस तथा एसएमएस सेवा प्रयोग गर्न सकिनेछ ।
हाललाई नेपालभित्रबाट यो सेवा प्रयोग गर्दा साविक प्याकेजकाे भ्वाइस/एसएमएस स्राेत तथा पे एज यु गाे बराबर सेवा शुल्क लाग्नेछ ।
नेपाल बाहिरबाट सेवा प्रयोग गर्दा इनकमिङ कल नि:शुल्क तथा आउटगाेइङकाे ३ रूपैयाँ प्रति/मिनेट शुल्क लाग्नेछ ।
लेखकको बारेमा
प्रतिक्रिया