नुवाकोट – विदुर कर परामर्श सेवाले आफ्नो १३औं वार्षिकोत्सवको अवसरमा त्रिशूली अस्पताललाई स्वास्थ्य सामाग्री सहयोग गरेको छ।
आईतबार एक कार्यक्रमकाबीच विदुर नगरपालिकाका प्रमुख राजन श्रेष्ठले विदुर नगरपालिका वडा नम्बर ३ का अध्यक्ष बद्री रिमाल, नुवाकोट उद्योग वाणिज्य सङ्घका अध्यक्ष राजेन्द्र श्रेष्ठ, नुवाकोट नागरिक समाजका अध्यक्ष बद्रीप्रसाद त्रिपाठीलगायतको उपस्थितिमा अस्पतालका निर्देशक डा. राजेन्द्र लामालाई एक थान ह्विलचेयर र दुई थान मेडिसिन ट्रली हस्तान्तरण गरेका हुन्।
कार्यक्रममा विदुर नगरपालिकाका नगरप्रमुख श्रेष्ठले उक्त सामाग्रीले बिरामीको उपचारमा सघाउ पुग्ने बताए ।
संस्थाले नुवाकोट, रसुवा र धादिङका सेवाग्राहीहरुलाई कर/भ्याट सम्बधि शैक्षिक परामर्श, तालिम, गोष्ठी लगायतका कार्यक्रमहरु सञ्चालन गर्दै आईरहेको संस्थाका निर्देशक दिनेशकुमार श्रेष्ठले बताए ।
संस्थाले सामाजिक उत्तरदायित्व अन्तर्गत सांस्कृतिक, खेलकुद, शिक्षा लगायतका क्षेत्रमा सहयोग गर्दै आईरहेको छ ।
प्रतिक्रिया