विदुर – बृहत गन्धर्व सांस्कृतिक अभियान अन्तर्गतको कार्यक्रम आज बुधबार नुवाकोटको विदुर नगरपालिका आईपुगेको छ ।
पूर्वाञ्चल गन्धर्व संस्कृति उत्थान सामाज पथरियाको पूर्वको मेचीदेखि पश्चिमको महाकालीसम्मको यात्राले विदुर नगरपालिकाको कार्यपालिकाको सभाहलमा मनोरञ्जन दिलाएका छन् ।
अभियानका सदस्यहरुलाई विदुर नगरपालिकाकी उपप्रमुख प्रभा बोगटीले स्वागत गरेकी छिन् ।
प्रख्यात सारङ्गीबादकहरू लालबहादुर गन्धर्व, श्यामकुमार गन्धर्व, अशोक गन्धर्व, सुरज गन्धर्व र रविन गन्धर्वको टोलीले नेपाली मौलिकबाजा सारङ्गीको तालमा उपप्रमुख बोगटी, ३ नम्बरका वडा अध्यक्ष बद्री रिमाल, प्रमुख प्रशासकीय अधिकृत विनोदकुमार खनाल, कर्मचारीहरु लगायतलाई नचाएका छन् ।
बृहत गन्धर्व सांस्कृतिक अभियानले गन्धर्व जीविकोपार्जनमा सहयोग पुग्ने रविन गन्धर्वले बताए । लोपुन्मुख गन्धर्व समुदायलाई हेरिने नजर परिवर्तन गर्नुपर्ने उनले बताए । मौलिक बाजाको संरक्षणमा लागेको गन्धर्व समुदायलाई सम्मानको दृष्टिले हेर्नुपर्ने बताए ।
विदुर नगरले अभियानलाइ आर्थिक सहयोग गरेको छ ।
प्रतिक्रिया