तारकेश्वर अध्यक्षलाई मनोमानीको आरोप

डबली खबर     जेष्ठ १८ २०८१ १७:३६

tarakeshwor rural municipality three ward chairperson in press meet
social securities awareness bidur municipality
bagamati province sanchar registrar office

नुवाकोट – तारकेश्वर गाउँपालिकाका तीन वडाध्यक्षहरूले गाउँपालिका अध्यक्ष शिवप्रसाद अधिकारीले एकल निर्णयको भन्दै विदुर नगरपालिकाको बट्टारमा पत्रकार सम्मेलन गरेको छ । बिहिबार पालिकाभन्दा बाहिर बट्टारमा पत्रकार सम्मेलन गरी वडाध्यक्षहरूले आरोप समेत लगाएका हुन् ।

गाउँपालिका उपाध्यक्ष हरिप्रसाद रिमालको उपस्थित रहेको पत्रकार सम्मेलनमा तारकेश्वर गाउँपालिका वडा नं ६ का अध्यक्ष नारायणप्रसाद रिमालले पालिका अध्यक्षले कार्यपालिकामा निर्णय गरेर संघमा योजना नपठाउँदा संघीय विशेष र समपुरक योजनाहरु तारकेश्वरले नपाउने अनुमान लगाए । उनले आर्थिक मन्दीको अवस्थामा आमअभिभावक र विद्यार्थीलाई जातीय पोशाकले आर्थिकभार थुपारेको बताए । निरङ्कुश शैलीमा जातीय पोशाकको कार्यान्वयन गराउनुपर्ने पालिका अध्यक्षको एकल निर्णय मान्य नहुने उनले बताए ।

गाउँपालिकाकाले आफ्नो गाउँपालिकाभित्रका विद्यालयमा हरेक बुधबार जातीय मौलिक पहिचानसहितको पोशाक लगाउनुपर्ने प्रावधानलाई कार्यान्वयनमा ल्याएको थियो ।

यस्तै, कार्यक्रममा तारकेश्वर गापा-४ का अध्यक्ष हरिबहादुर पौडेलले गाउँपालिका अध्यक्षको एकाधिकार शैलीले तारकेश्वरका सबैले निकै दु:ख पाएको आरोप लगाए ।

पालिका अध्यक्ष अधिकारीले माग गरेको स्पष्टीकरण २ नम्बरका वडा अध्यक्ष शिव पनेरुद्वारा अस्वीकार गरेका छन् । मौखिक र लिखितरूपमा गाउँपालिका अध्यक्षले स्पष्टीकरण माग गर्नु कानुन बिपरित रहेको उनले बताए ।

उनलाई जेठ ८ र १४ गते शिक्षा समितिको निर्णयको विरूद्ध विद्यालयमा जातिय पोशाक लगाउन रोक लगाएको गुनासो आएको हुदाँ कारण खुलाई पालिका अध्यक्षले स्पष्टीकरण माग गरेको थियो ।

यस्तै, नेकपा माओवादी केन्द्र तारकेश्वरका अध्यक्ष सोमबहादुर तामाङले अध्यक्षको स्वनिर्णयले गर्दा तारकेश्वरको शिक्षा तहसनहस भएको आरोप लगाए ।

गत फागुन १४ मा बसेको गाउँ शिक्षा समितिको बैठकको निर्णय र गत चैत ५ मा बसेको पालिकाभित्रका प्रधानाध्यापकहरुको संयुक्त बैठकले जातीय पहिचानसहितको मौलिक पोसाकलाई कार्यान्वयन गर्ने सहमति जनाएको थियो । सोही निर्णयका आधारमा गाउँपालिकाको अध्यक्षको निर्देशनपश्चात् विद्यालयको शिक्षक, कर्मचारी, विद्यालय नर्स र विद्यार्थीहरुले साताको बुधबार आ–आफ्नो पोशाकमा सजिएर पढ्न र पढाउन सुरु गरिएको पालिकाले जनाएको छ ।

प्रतिक्रिया


nuwakot trishuli graphic web media service 2020

Top