विद्यालयमा बुधबार मौलिक पहिचानको पोशाक

डबली खबर     जेष्ठ १४ २०८१ १२:१०

tarakeshwar rural municipality nuwakot culture dress in school
social securities awareness bidur municipality
bagamati province sanchar registrar office

नुवाकोट – तारकेश्वर गाउँपालिकाकाले विद्यालयमा हरेक बुधबार जातीय मौलिक पहिचानसहितको पोसाक लगाउनुपर्ने प्रावधानलाई कार्यान्वयनमा ल्याएको छ ।

विद्यालयका शिक्षक, कर्मचारी, विद्यालय नर्स र विद्यार्थीले हरेक हप्ताकाे बुधबार आ-आफ्नो जातीय पहिचान अनुसारको पोसाक लगाउन सुरु गरेको गाउँपालिका अध्यक्ष शिव अधिकारीले बताए । अध्यक्ष अधिकारीका अनुसार सम्पूर्ण जातजातिको पहिचान र संस्कृतिको संरक्षणका लागि गाउँपालिकाले अभियानका रुपमा परम्परागत जातीय पोसाकको संरक्षणअन्तर्गत सातामा एक दिन बुधबार जातीय पहिचानसहितको पोसाक अनिवार्य गरिएको छ ।

“जातीय पहिचानमा सजिएर विद्यालय जान पाउँदा विद्यार्थीहरु उत्साहित देखिएका छन्,” अध्यक्ष अधिकारीले भने, “मौलिक पोसाक लगाउन पाएसँगै विद्यार्थीमा विद्यालयप्रतिको आकर्षण र संस्कृतिको संरक्षणमा टेवा पुग्ने विश्वास लिइएको छ ।”

गत फागुन १४ मा बसेको गाउँपालिका शिक्षा समितिको बैठकको निर्णय र गत चैत ५ मा बसेको पालिकाभित्रका प्रधानाध्यापकहरुको संयुक्त बैठकले जातीय पहिचानसहितको मौलिक पोसाकलाई कार्यान्वयन गर्ने सहमति जनाएको थियो ।

सोही निर्णयका आधारमा गाउँपालिकाको अध्यक्षको निर्देशनपश्चात् विद्यालयको शिक्षक, कर्मचारी, विद्यालय नर्स र विद्यार्थीहरुले साताको बुधबार आ–आफ्नो पोसाकमा सजिएर पढ्न र पढाउन सुरु गरिएको हो ।

प्रतिक्रिया


nuwakot trishuli graphic web media service 2020

Top