जीतु र नीतिले सुरु गरे ‘ज्वाइँ साब’को छायांकन

काठमाडाैं – समसामयिक कथामा निर्माण गर्न लागिएको चलचित्र ‘ज्वाइँ साब’ को छायांकन सुरु भएको छ ।

रेड आई फिल्मस्को प्रस्तुतिमा निर्माण हुने चलचित्रको छायाँकन चित्लाङमा २० दिनको राखिएको छ । त्यसपछि बाँकी छायाङ्कनका लागि निर्माण टिम सौराहा र इलाम जाने तयारीमा छ ।

चलचित्रमा हास्य जीतु नेपाल र नीति शाहको जोडी बाँधिएको छ । अभिनयको हिसाबले शाहको यो दोस्रो फिल्म हो ।

चलचित्रमा रमेश बुढाथोकी, प्रकाश घिमिरे, बुद्धि तामाङ, हिमेश पन्त, निमा पाण्डेलगायतको अभिनय रहनेछ ।

निर्देशक बसन्त निरौलाको निर्देशन रहने चलचित्रमा जीतु ज्वाइँको भूमिकामा देखिनेछन् ।

अर्जुन पोखरेल र महेश ताम्राकारको संगीत रहेको फिल्मको छायाँकार श्याम तामाङ हुन् ।

राजकुमार पण्डित प्रस्तुतकर्ता रहेको चलचित्रमा मिनादेवी पाण्डे, सौगात पण्डित र पदमलाल तामाङ निर्मातामा छन् ।

विजय बस्याल कार्यकारी निर्माता रहेको फिल्ममा सविन अधिकारीको कथा, शंकर धितालको पटकथा तथा सम्वाद लेखन छ ।

चलचित्रलाई यस वर्षको तिहारमा रिलिज गरिँदैछ ।