आविष्कार केन्द्रले बनायो १० किसिमका कृषि औजार

डबली खबर     जेष्ठ १३ २०८१ ०९:५४

mahabir pun rashtriya avishkar kendra agro equip factory
social securities awareness bidur municipality
bagamati province sanchar registrar office

काठमाडौँ – तीन दशक बन्द भएको वीरगञ्जस्थित कृषि औजार कारखाना जिम्मा लिएको २० महिनामा राष्ट्रिय आविष्कार केन्द्रले १० किसिमका कृषि औजार तयार पारेको छ ।

हाल १० किसिमका साना कृषि औजार तथा उपकरण तयार पारेको केन्द्रका सहायक मेकानिकल इन्जिनियर अरुण साहले बताए । धान रोप्ने सानो मेसिन, घाँस खुर्किने, ड्याङ बनाउने मेसिन, खाल्डो खन्ने हातेऔजार, आलु रोप्ने, आलु गोड्ने, घाँस तथा पराल काट्ने, धान काट्ने सानो मेसिन, प्लास्टिक ओछ्याउने र केराको फाइबर निकाल्ने मेसिन तयार भएको उनले जानकारी दिए । इन्जिनियर साहले तीन चरणको मेहनतपछि उपकरण बनाउन सफल भएको बताए।

केन्द्रका कार्यरत मेकानिकल इन्जिनियरको टोलीले कारखानामा रहेका पुराना साना–ठूला गरेर ५५ उपकरणमध्ये ५१ वटा मर्मतसम्भार गरेर सञ्चालन गर्न सकिने जनाएको छ।

हाल केन्द्रमा १५ जना कार्यरत छन् । सरकारले २०७९ असोज ११ गते कृषि औजार कारखाना राष्ट्रिय आविष्कार केन्द्रलाई सञ्चालन तथा व्यवस्थापनको जिम्मा दिएको थियो ।

केन्द्रले औपचारिक रूपमा २०७९ माघदेखि काम थालेको हो ।

प्रतिक्रिया


nuwakot trishuli graphic web media service 2020

Top