नुवाकोट – नेपाल कम्युनिस्ट पार्टी (एमाले) नुवाकोटको आठौं जिल्ला अधिवेशन यही जेठ २२–२४ गते हुने भएको छ ।
पार्टी अध्यक्ष बद्री मैनालीकाअनुसार अधिवेशनको खुल्ला सत्र लिखु गाउँपालिकाको ढिकुरे र बन्दसत्र विदुर नगरपालिकाको बट्टारमा हुनेछ । आज बसेको बैठकले अधिवेशन प्रतिनिधिका लागि जिल्लाका भूगोल, जनवर्गीय सङ्गठन र विधानबमोजिमका निकायबाट चयन गरिएको उनले बताए ।
अधिवेशन तयारीको लागि ५४३ जना प्रतिनिधीहरु चयन गरिएको पार्टी उपसचिव नीलकण्ठ आचार्यले जानकारी दिए । उनकाअनुसार मूल आयोजक समितिसहित १५ भन्दा बढी उपसमिति गठन गरिएको छ ।
प्रतिक्रिया