नुवाकोट – सात बुँदे मागको घोषणा पत्र जारी गर्दै नेपाल पत्रकार महासङ्घ बागमती प्रदेश समितिको चौथौं साधारणसभा सम्पन्न भएको छ ।
सोमबार विदुरमा भएको महासङ्घ प्रदेश अध्यक्ष शिव देवकोटाको अध्यक्षतामा भएको साधारणसभाको नेपाल पत्रकार महासङ्घका वरिष्ठ उपाध्यक्ष रमेश विष्टले उद्घाटन गरेका हुन् ।
कार्यक्रममा नेपाल पत्रकार महासङ्घ सिन्धुपाल्चोक र चितवन शाखाले संस्थागत विकास, पत्रकारिता क्षेत्र तथा श्रमजीवी पत्रकारहरुको हित प्रवर्द्धनका लागि महत्वपूर्ण भूमिका निर्वाह गरेकाले महासङ्घ प्रशंसा गरेको छ ।
महासङ्घले पत्रकारहरूमाथि धम्की तथा भौतिक आक्रमणका घटना बढेकाले प्रेस तथा अभिव्यक्ति स्वतन्त्रतालाइ पूर्ण रूपमा कार्यान्वयन गर्न सम्बन्धित पक्षसँग माग गरेको छ । यस्तै, पत्रकारहरूलाइ सामाजिक सुरक्षा कोषको दायराभित्र ल्याउने गरी नीति निर्माण तथा परिमार्जन गर्न सरकारसँग माग गरेको छ । विज्ञापन स्थानीयस्तरमा सञ्चालित सञ्चारमाध्याममा प्रकाशन गर्न मिल्ने व्यवस्थासहित अन्य चार माग गरेको छ ।
प्रतिक्रिया