काठमाडौं – ग्लोबल आइएमई बैंक लिमिटेड र बडीमालिका नगरपालिकाबिच उद्यमशीलता, आत्मनिर्भरता र स्वरोजगारी प्रवर्धन गर्न नगरपालिकाका उद्यमीहरुलाई सरल र सहजरुपमा कर्जा प्रवाह गर्ने सम्बन्धी सम्झौतामा हस्ताक्षर भएको छ ।
यससम्बन्धी सम्झौतामा ग्लोबल आइएमई बैंकको तर्फबाट नायव प्रमुख कार्यकारी अधिकृत सुमन पोखरेल तथा नगरपालिकाका नगरप्रमुख अमरबहादुर खड्काले हस्ताक्षर गरेका छन् ।
सम्झौता अनुसार बैंकले पालिका भित्रका कृषक, कृषि उद्यमी, कृषि फर्म तथा कृषि कर्ममा स्वरोजगार बन्न चाहने नगरबासीहरुलाई सरल र सहजरुपमा कर्जा प्रवाह गर्नेछ ।
उक्त कर्जाले नगरपालिकाभित्र उद्यमशिलतामार्फत् आत्मनिर्भर र स्वरोजगार प्रवर्धन हुने विश्वास बैंकले लिएको छ ।
प्रतिक्रिया