२०८१, १० जेष्ठ बिहीबार

सुन्दरको मौसमी ‘तरबुजा’

सुनील श्रेष्ठ     बैशाख २१ २०८१ १३:२५

sundar nepal fruit tarabuja field in nuwakot
pratik book and stationery center in nuwakot
social securities awareness bidur municipality
bagamati province sanchar registrar office

नुवाकोट – बीस रोपनी सुख्खा जग्गामा व्यावसायिक रुपमा खेती गर्दै छन् ‘सुन्दर नेपाल’ । महिला साना किसान सहकारीबाट इजरायलमा गएर सिकेका कृषि सीपलाई नेपालले विदुर नगरपालिका–६ बुनीबेंसीमा व्यवसायिक खेति गर्दै आईरहेका छन् । उनले तरबुजा, सयपत्री, अकबरे खुर्सानी, करेला र भेंडेखुर्सानी खेती लगाएका छन् ।

पाँच वर्ष इजरायलमा कृषिसम्बन्धी तालिम लिएका बेलकोटगढी नगरपालिका-५ का स्थायी घर भएका उनले पहाडी क्षेत्र भएतापनि अफ्रिकाको रैथाने बाली तरबुजा तातो हावापानीमा उत्पादन राम्रो, गुणस्तरीय र स्वादिलो हुने बताए । तरबुजा लगाएर अरूलाई लोभ्याउने गरी आम्दानी गरिरहेका छन् ।

तरबुजा फल क्यारोटिनॉयड र भिटामिन ‘ए’ जस्ता तत्वहरु पाईन्छ । यसमा पाईने ‘फाइबर’ले पाचनशक्तिको विकास गर्न मद्दत पुर्याउछ। तरबुजाको सेवन गर्नाले मोटोपन, मुटुरोग र अन्य थुप्रै मृत्युजन्य रोगहरुका लागि लाभदायक मानिन्छ । हाल नेपाल सरस्वती, लक्ष्मी, किरण, सुगर कुईन लगायतका प्रजातीहरु लोकप्रिय छन् ।

“कुरिलो, तरबुजाको सख्खरखण्डको कृषिउपजको तालिम लिए”, उनले भने “तरबुजा खेतीमा कम मानवस्रोतले पुग्ने, काम गर्न सजिलो र नेपालमा धेरै व्यवसायिक रुपमा तरबुजा खेती नगरेको तर माग स्थानीय बजार अत्याधिक देखियो ।”

तेस्रो बालीको रुपमा खेती गर्दै आएका नेपालले मौसमी तरबुजा खेतीबाट राम्रो आम्दानी गर्न सकिने बताए । आफूले उत्पादन गरेको तरबुजा बिक्रीमा कुनै समस्या नभएको उनले बताए। स्थानीय बजारमा खरबुजा खपत हुँदै आएको छ। 

“अहिले करिब १५ हजार किलो तरबुजा उत्पादन प्रक्षेपण छ । प्रतिकिलो ३० रुपैयाँमा बिक्री गर्दा कुल चार लाख ५० हजार आम्दानी हुन्छ । आफै पनि बजार पुगेर बिक्रि गर्दा राम्रै आम्दानी हुन्छ । व्यापारीलाई दिँदा मूल्य अलि कम पाउने हुन्छ । प्रतिरोपनी ४० हजार रुपैयाँ बराबरको आम्दानी गर्न सकिने छ ।”

खेतीमा प्रविधिको प्रयोग हुदाँ सहज छ । पानीको लागि थोपा सिँचाई, मल्चिङ प्रविधि प्रयोग गरिएको उनले बताए । तरबुजा खेतीमा अरु खेतीमा जस्तै गोडमेल, थाक्रा दिनुपर्ने, डोरी राख्नुपर्ने, लहरा लगाई राख्नुपर्ने लगायतका कार्य गर्नु पर्दैन ।

कम मानवस्रोत लागेतापनि मल भने मात्रा मिलाएर राख्नुपर्ने हुन्छ ।

छिटो समयमा उत्पादन हुने र राम्रो आम्दानी दिने भएका कारण पछिल्लो समयमा नेपालमा तरबुजा खेती फस्टाएको देखिन्छ । उचित मल जलको ब्यवस्थापन र समयमै किरा र रोगको नियन्त्रण गर्ने हो भने खेती निकै लाभदायक रहनेछ ।

प्रतिक्रिया


nuwakot trishuli graphic web media service 2020

Top