२०८१, १० जेष्ठ बिहीबार

रजत वर्षमा ‘त्रिशूली प्रवाह’, ११६० अङ्क प्रकाशन

सुनील श्रेष्ठ     बैशाख ६ २०८१ ११:३०

pratik book and stationery center in nuwakot
social securities awareness bidur municipality
bagamati province sanchar registrar office

नुवाकोट – ‘त्रिशूली प्रवाह’ साप्ताहिक आजदेखि रजत वर्षमा प्रवेश गरेको छ । चौबीस वर्षअघि ०५७ वैशाख १ गते बिहीबारदेखि प्रकाशनमा आएको पत्रिकाले आज आफ्नो वार्षिकोत्सव मनाएको छ ।

25th anniversary of trishuli prawaha weekly newspaper

विदुरमा आयोजित वार्षिकोत्सव समारोहमा राष्ट्रियसभाकी उपाध्यक्ष बिमला घिमिरेले साप्ताहिकको विशेषाङ्क विमोचन गरिन् । उनले पत्रकारितालाई समाजको ऐनाको रुपमा चित्रण गरिएको र यसले समाजको वास्तविकतालाई उजागर गर्दै समाज परिर्वतनमा महत्वपूर्ण भूमिका निर्वाह गरेको भन्दै रजत वर्षको अवसरमा शुभकामना दिएकी छिन् । उनले पालिका र प्रदेशको जानकारीलाई नागरिकलाई सूचित गर्ने नीति कार्यान्वयनमा रहेको जानकारी दिईन् । स्थानीय तहका जनप्रतिनिधिलाई दीगो विकासको लक्ष्यलाई हासिलको लागि कटिबद्ध भएर कार्य गर्न अनुरोध दिईन् । बजेटको जानकारी र नियमनको लागि आमसञ्चार माध्यमले पहेदारी गर्नुपर्ने बताईन् ।

पत्रिकाले दसैं-तिहार, भूकम्प र कोभिड-१९ कालखण्डमा बाहेक निरन्तर पत्रिका प्रकाशन गर्दै आईरहेको प्रकाशन शरणउत्सुक सापकोटाले जानकारी दिए । पत्रिकाले २४ वर्षे यात्रामा विभिन्न घटनाक्रमलाई आधिकारिक दस्तावेजको रुपमा जिवित पस्कँदै आएको उनले बताए ।

‘त्रिशूली प्रवाह’ नुवाकोटमा पत्रकारिताको पाठशालाको रुपमा स्थापित छ । पत्रिकाले तीन दर्जनभन्दा बढी पत्रकार, सञ्चारकर्मी र व्यवसायी उत्पादन गरिसकेको छ ।

प्रेस काउन्सिल नेपालद्वारा ‘क’ वर्गमा सुचिकृत रहेको पत्रिकाको ‘तेस्रो आँखा’ र ‘हाम्रा कुरा’ स्तम्भ चर्चित छ ।

पाँच रुपैयाँदेखि सुरु भएको पत्रिका मुल्य अहिले आठ पृष्ठको १० रुपैयाँमा छ ।

साप्ताहिक रुपमा अनलाईनमार्फत समाचार सम्प्रेषण पनि गर्दै आईरहेको पत्रिका नुवाकोट, रसुवा, धादिङ, काठमाडौंलगायतका जिल्लामा बिक्रि वितरण हुन्छ ।

त्रिशूली प्रवाहको ‘तेस्रो आँखा’

प्रतिक्रिया


nuwakot trishuli graphic web media service 2020

Top