नुवाकोट – टिमुरे बस तथा मिनिबस यातायात प्रालि र पृथ्वी राजमार्ग बस सञ्चालक कम्पनी प्रालिले संयुक्तरुपमा बिहिबारदेखि पोखरादेखि रसुवाको टिमुरेसम्म बस सेवा पुन:सुरु गरेको छ ।
पोखरालाई देशकै पर्यटकीय राजधानी घोषणा गरिने पूर्वसन्ध्यामा यातायात कम्पनीले पर्यटकको सहजता लागि बस सेवा सञ्चालनमा ल्याएको टिमुरे यातायातका अध्यक्ष प्रकाश जोशीले जानकारी दिए । आन्तरिक तथा बाह्रय पर्यटकलाई लक्षित गरी सेवा सुचारु गरिएको उनले बताए ।
पोखराबाट दैनिक बिहान ७ बजेर १५ मिनेटमा रसुवा जिल्लाको टिमुरेको लागि बस छुट्ने र टिमुरेबाट बिहान दैनिक ७ बजे पोखराको लागि बस छुट्ने जनाइएको छ ।
पोखरा-टिमुरेको भाडादर एक हजार २८५ रुपैयाँ तोकिएको छ ।
कोभिड-१९ का कारण उक्त सेवा पूर्ण रुपमा बन्द भएको थियो ।
प्रतिक्रिया